Montes de Vigo, a entidade que acolle as 13 Comunidades de Montes Veciñais de Vigo, ten previsto levar a cabo un programa de actividades para o período de outono de 2016 co obxecto de promover que a cidadanía viguesa goze dos montes neste período do ano.
O programa, que se presentará próximamente, incorporará paseos por diversas comunidades de montes, visitas a lugares de interese nos montes, cursos de formación e outras ofertas que se irán dando a coñecer a medida que se pechen.
Tamén está previsto realizar actividades con centros educativos, asociacións, etc. Trataríase de dar a coñecer o monte no período de outono, así como realizar accións de recolección ou de observación propias do período.
Para calquera consulta en relación con esta programación pódese contactar a través do correo electrónico montesdevigo.servizos@gmail.com ou no teléfono 608 84 89 89
