Ao longo da mañá do sábado 23 de febreiro, congregáronse nos Montes de Coruxo un total de 118 persoas que respostaron á convocatoria de Montes de Vigo e Coca Cola dentro da campaña "Rexeneramos os montes de Vigo".
A xornada comezou cunhas palabras de Antonio Docampo, presidente da Comunidade de Montes de Coruxo, ao que acompañaba Uxío González, presidente da Mancomunidade de Montes de Vigo. Lembraron que a actividade enmárcase dentro das actividades de implicación cidadá despois dos incendios de 2017, que cada vez máis se dá conta do importante papel que teñen os montes periurbanos de Vigo, tantos en termos de espacio de lecer como na eliminación de CO2. A estas alturas da campaña "Rexeneramos os montes de Vigo", entre as accións convocadas polas distintas comunidades de montes abertas á cidadanía como as múltiples accións realizadas polos centros educativos, lévanse computado máis de 3000 árbores plantados.
Despois da presentación, o persoal da Comunidade de Montes de Coruxo explicou aos participantes a metodoloxía de plantación (VER VÍDEO) e todas as familias puxéronse mans á obra. Ao principio o proceso era pausado, pero a medida que discorría a mañá foise animando e chegouse a plantar preto de 400 castiñeiros, así como algún freixo, carballo e, ao final de todo, entre todos os/as nenos/as participantes un loureiro.
No album fotográfico (PREMER) recóllense algúns dos intensos momentos da actividade e diversas instantáneas das familias participantes. De seguido algunha mostra:
