A I Trail do Eifonso promovido por Team Relay e a ELM de Bembrive (ver enlace) celebrouse neste domingo 17 de febreiro cunhas condicións perfectas, tanto climatolóxicas como do estado dos montes de Bembrive e de Beade.
Na proba participaron 224 deportistas para percorrer os 16 km de trazado e cunha intensa cronoescalada na subida polo río Eifonso. As sensacións foron boas e no momento da entrega de premios, que contou coa presenza da Alcaldesa-pedánea da ELM de Bembrive e do Concelleiro de Deportes de Vigo, todos coincidiron en quedar para a segunda edición.
Por parte de Montes de Vigo, en colaboración coa ELM de Bembrive, fíxose presenza no acto cunha carpa informativa e realizando unha reportaxe fotográfica (PREMER) que se lle fai chegar á organización da proba. De seguido algunhas instantáneas a modo de exemplo.
