Na reunión da Xunta Reitora da Mancomunidade de Montes de Vigo, celebrada do 9 de marzo, analizáronse as prioridades marcadas dende as 14 comunidades de montes que a conforman en relación coas necesidades que compre abordar na vindeira lexislatura en relación coas competencias da Administración autonómica. A representatividade desas 14 comunidades é manifesta tendo en conta que ocupan o 17% da superficie do termo municipal e aglutinan a máis de 15.000 persoas comuneiras.
A modo de resumo serían:
- Axilizar e reforzar as accións de prevención de incendios, nun contexto de que é altamente probable que se repitan os fatídicos sucesos de outubro de 2017 e a día de hoxe non se ten avanzado nada ao respecto tanto na creación de Faixas de defensa pasiva como en acabar de coordinarse Xunta de Galicia e Concello de Vigo para desenvolver o anel verde de Vigo.
- Desenvolver a normativa precisa para que os "enclaves privados" asuman a normativa da Lei de acompañamento dos orzamentos de Galicia de 2019.
- Abordar con celeridade a problemática xerada nos montes, especialmente nos periurbanos, provocadas polo reiterado incumprimento da normativa que prohibe a circulación de vehículos de motor ou de bicicletas por vías distintas das autorizadas, así como a existencia de gando solto ou os vertidos descontrolados. Estes incumprimentos provocan un importante incremento dos danos producidos nos espazos naturais e plantacións así como a aparición de situacións de risco derivados desas prácticas prohibidas.
- Concretar as recomendacións que o Parlamento de Galicia fixo para abordar a mellor da política forestal, particularmente as que teñen que ver con montes das contornas urbanas que xeran servizos sistémicos, coa potenciación das mancomunidades de montes e coa actualización da lexislación reguladora dos montes veciñais.
Por tal motivo, van a solicitar aos candidatos cabeza de lista pola provincia de Pontevedra que antes das eleccións acudan aos montes de Vigo a ver a xestión que se está a realizar e presentarlle as citadas demandas, entre outras.
A modo de resumo serían:
- Axilizar e reforzar as accións de prevención de incendios, nun contexto de que é altamente probable que se repitan os fatídicos sucesos de outubro de 2017 e a día de hoxe non se ten avanzado nada ao respecto tanto na creación de Faixas de defensa pasiva como en acabar de coordinarse Xunta de Galicia e Concello de Vigo para desenvolver o anel verde de Vigo.
- Desenvolver a normativa precisa para que os "enclaves privados" asuman a normativa da Lei de acompañamento dos orzamentos de Galicia de 2019.
- Abordar con celeridade a problemática xerada nos montes, especialmente nos periurbanos, provocadas polo reiterado incumprimento da normativa que prohibe a circulación de vehículos de motor ou de bicicletas por vías distintas das autorizadas, así como a existencia de gando solto ou os vertidos descontrolados. Estes incumprimentos provocan un importante incremento dos danos producidos nos espazos naturais e plantacións así como a aparición de situacións de risco derivados desas prácticas prohibidas.
- Concretar as recomendacións que o Parlamento de Galicia fixo para abordar a mellor da política forestal, particularmente as que teñen que ver con montes das contornas urbanas que xeran servizos sistémicos, coa potenciación das mancomunidades de montes e coa actualización da lexislación reguladora dos montes veciñais.
Por tal motivo, van a solicitar aos candidatos cabeza de lista pola provincia de Pontevedra que antes das eleccións acudan aos montes de Vigo a ver a xestión que se está a realizar e presentarlle as citadas demandas, entre outras.
