A Xornada de Voluntariado Medioambiental que Decathlon-Vigo organizou dentro da campaña estatal do 6 de xuño realizouse nos Montes de Vigo, concretamente no Monte dos Pozos na Comunidade de Montes de Valladares.
Participaron entorno a 50 persoas entre adultos e menores que, da man de membros de Montes de Vigo, poideron coñecer de preto as consecuencias dos incendios vividos en outubro de 2017, e como unha das especies que aparece enérxicamente é o eucalipto.
Fíxose un percorrido polos montes queimados na falda do Monte Alba. Polo camiño gozouse da experiencia refrescante dunha carballeira. Finalmente retirouse eucalipto nunha repoboación de castiñeiros.
Unha sesión de traballo intensa que contou coa achega loxística de Decathlon (auga, barrita enerxética, etc) que fixo levadeira a xornada.
De seguido algunhas instantáneas do día (ver o álbum nese ENLACE):