A Mancomunidade de Montes de Vigo renovou a súa Xunta Executiva na asemblea celebrada o martes 22 de febreiro. Asemade, os cargos escollidos tomaron posesión na sesión da Xunta Directiva do venres 25 de febreiro, acordando a celebración do 25 aniversario da Mancomunidade de Montes de Vigo o vindeiro sábado 7 de maio, pola mañá
Na Asemblea extraordinaria do 22 de febreiro escolleuse como presidente de Montes de Vigo a Uxío González Pérez, actual presidente da Comunidade de Montes de Saiáns. A elección tivo lugar por unanimidade e cunha vixencia para o período 2022-25.
O equipo escollido para acompañar ao presidente na Xunta Executiva está formado por: Gregorio E. Álvarez Pereira (Vicepresidente, presidente da C.M. de Valladares), Emilio Saco Pérez (Tesoureiro, presidente da C.M. de Beade), Enrique Novoa Fernández (Secretario, C.M. de Matamá), José González Dominguez (Vogal, E.L.M de Bembrive) e Agustín Iglesias Carreira (Vogal, C.M. de Comesaña).
A nova Xunta Executiva reuniuse para a súa constitución o 25 de febreiro e, entre outros asuntos, decidiu celebrar o 25 aniversario da Mancomunidade de Montes de Vigo o vindeiro sábado 7 de maio, pola mañá. Para tal fin iniciouse a elaboración dun programa de actos ao que se van convidar a todos e todas as comuneiras participantes nas Xuntas Reitoras das 14 comunidades de montes de Vigo, así como a destacadas persoalidades que contribúen ao desenvolvemento do movemento comunal e a os representantes do Concello de Vigo e da Xunta de Galicia.
