A Mancomunidade de Montes de Vigo únese á Iniciativa Lexislativa Popular (ILP) promovida pola Organización Galega de Comunidades de Montes Veciñais en Man Común (ORGACMVMC) para elaborar unha Lei de Montes Veciñais na que se recolla o particular carácter destes montes (ver máis AQUI).
O obxectivo é recoller 10.000 sinaturas para que a proposta de lei sexa debatida no Parlamento Galego. Para tal fin as 14 Comunidades de Montes de Vigo inician o proceso de recollida de sinaturas no formulario oficial previsto para tal efecto, onde poderan asinar todas as persoas con dereito a voto en Galicia.
O texto da Iniciativa Lexislativa Popular pódese ler AQUI, sendo os aspectos máis salientables os seguintes:
- Reforzar o carácter xermánico da titularidade veciñal, considerando a veciñanza como único requisito para ter a condición de veciño/a comuneiro/a
- Recoñecer o monte veciñal como unha titularidade distinta e en pé de igualdade coas titularidades públicas e privadas.
- Lograr un monte veciñal multifuncional e sustentabel ao servizo da veciñanza comuneira e da sociedade galega no seu conxunto.
- Considerar como aproveitamentos e usos dos montes veciñais todos os que neles se dan.
- Acadar unha fiscalidade xusta atendendo á figura e ás funcións dos montes veciñais, non considerándoos como meras empresas mercantís.
- Declarar os montes veciñais como figura de protección medioambiental e cultural en si mesmo.