A Mancomunidade de Montes de Vigo, un ano máis, leva a cabo o proxecto "Restauración e Mantemento dos Montes de Vigo" no marco da Convocatoria de subvencións para o fomento do emprego de entidades sen ánimo de lucro 2022 do Concello de Vigo.
Nesta edición incorporáronse 18 peóns forestais para a realización de traballos durante cinco meses nas comunidades de montes de Saiáns, Oia, Coruxo, Valladares, Comesaña, Matamá, Zamáns, Beade, Bembrive, Castrelos, Lavadores e Candeán.
Acto de arranque do proxecto coa presenza do Presidente e Secretario de Montes de Vigo
Entre as labouras previstas realizar dentro do proxecto están traballos de rexeneración en superficie afectada por incendios forestais, plantación forestal, rareo en masas de frondosas, eliminación de especies invasoras, roza manual, etc. A organización do equipo realízase por cuadrillas coa colaboración das comunidades implicadas.
Traballos da cuadrilla na Comunidade de Montes de Castrelos