A Xornada de Voluntariado Medioambiental organizada por Decathlon-Vigo en colaboración con Montes de Vigo tivo lugar nos montes de Saiáns.
Abordouse o problema da perda de biodiversidade e particularmente o impacto das plantas exóticas invasoras coma a acacia negra nos montes do anel verde de Vigo.
Na acción participaron 60 persoas e consistiu no proceso de erradicación de brotes de acacia negra nunha zona recén reforestada con castiñeiros. Aproveitouse para coñecer a problemática asociada con esta plaga, así como o traballo que levan facendo as comunidades de montes de Vigo dende hai 35 anos para recuperar os montes.
Tamén houbo ocasión de gozar das vistas panorámicas da ría de Vigo e o arboreto "Piñeiros do mundo" cunha representación de coníferas de todos os continentes.
