Na mañán deste sábado 11 de xuño tivo lugar unha nova xornada de loita contra a "Basuraleza" na Comunidade de Montes de Matamá, en colaboración con Libera e Ecoembes. Na xornada participaron voluntarios e voluntarias que respostaron á convocatoria, entre eles a Delegada territorial da Xunta de Galicia en Vigo, Marta Fernández-Tapias.
Durante a presentación da xornada, o Presidente de Montes de Matamá, Indalecio Bastos, explicou os traballos que se están facendo para conservar os montes, crear hábitats para anfibios e aves e, por suposto, mantelos limpos. Neste aspecto está sendo importante a labor de sensibilización á cidadanía no tocante a que é responsabilidade de todos este traballo, labor na que conta co apoio de Libera e Ecoembes.
Entre outros aspectos indicou que cada vez menos se atopan descargas de escombros, anque de vez en cando algunha hai, e tamén cada vez a xente que circula polos montes está máis concienciada de que se se quere gozar deles cómpre evitar tirar lixo no parque forestal ou no sendeiros.
Algunhas instantáneas da visita ao entorno do Parque Forestal de Maruxento onde se estivo actuando son as seguintes:
