O pasado luns 19 de setembro botou a andar o II Obradoiro Forestal nos Montes de Vigo cunha duración prevista de 12 meses e coa participación de 10 alumnos e alumnas. Con tal motivo, a Delegada Territorial da Xunta de Galicia, Marta Fernández-Tapias, visitou as instalacións do obradoiro e deu a vendida ao alumnado e persoal do mesmo.
Durante a visita, na que estivo presente o Presidente de Montes de Vigo, Uxío González, puidose comprobar a dinámica dun día de formación e compartir o plan de traballo previsto para os vindeiros meses.
Ao final da formación o alumnado poderá obter o certificado de profesionalidade relacionado coa actividade de peón forestal, así como dispór dun ano de experiencia profesional no sector. Os traballos a desenvolver terán lugar en 10 das comunidades de montes membros de Montes de Vigo e arrancarán a partir do mes de outubro.
