Na mañán deste sábado 14 de xaneiro tivo lugar o acto de entrega de 1500 carballos para a súa plantación nas Comunidades de Montes de Vigo durante as vindeiras semanas por parte do Concello de Vigo.
No acto estivo presente o Alcalde de Vigo, Abel Caballero, e o Concelleiro de Montes, Angel Rivas, xunto con representantes das comunidades de montes de Beade, Bembrive, Cabral, Comesaña, Coruxo, Saiáns, Teis, Valladares e Zamáns.
Ao longo do acto, o Alcalde de Vigo comprometeu un total de 10.000 árbores máis ao longo deste ano, co obxectivo de complementar o proceso de paulatina substitución de acacias e eucaliptos con árbores autóctonas nas distintas comunidades. Neste proceso participarán as 15 persoas que no próximo mes serán contratadas con cargo ao Plan de Emprego Municipal 2023.
