Este venres 27 de xaneiro tivo lugar unha acción formativa sobre "O uso do fogo en povoamentos de Pinheiro-bravo" en Paredes de Coura, no marco da Acción de capacitación Transfronteiriza de axentes de emerxencia.
Representantes da Mancomunidade de Montes de Vigo participaron a invitación da Escola de Enxeñería Forestal da Universidade de Vigo, podendo comprobar como se están plantexando accións preventivas dos lumes mediante a técnica de queima controlada. A experiencia tivo lugar en terreos da Comunidade de Montes de Padornelo en Paredes de Coura.
