A X Xornada de Voluntariado Medioambiental, organizada por Decathlon-Vigo en colaboración con Montes de Vigo, tivo lugar nos montes de Zamáns, a carón do encoro e dos muíños.
Abordouse o problema do lixo nos espazos de actividades na natureza, particularmente a presenza de moitos resíduos de plástico. Por tal motivo, fíxose un percorrido pola senda a carón do Encoro de Zamáns, así como por un tramo do Sendeiro Local de Zamáns, dando como resultado unha boa cantidade de lixo de todo tipo e, como non, moitas bolsas con plástico.
Na acción participaron preto de 70 persoas de todas as idades, entre elas un número importante de familias con rapaces e rapazas, que gozaron da ximcana organizada con diverso material de Decathlon.
Tamén houbo ocasión de gozar da "muiñada" que organizou a Comunidade de Montes de Zamáns para todos os presentes.
