A instancia da Mancomunidade de Montes de Vigo e xunto coa a Organización Galega de Montes de Vigo e a Asociación Forestal de Galicia, tivo lugar unha xuntanza de posta en común da situación na que se atopan as Comunidades de Montes Veciñais en Man Común, na que tamén participaron unha serie de comunidades de montes da provincia de Pontevedra: Salvaterra, Atios, Tameiga, Beluso, Xinzo, Vilaboa, Cabral, Beade, Comesaña, Matamá, Candeán, Teis, Oia, Saiáns, Valladares, Castrelos, Lavadores.
Apoian o manifesto aprobado as Mancomunidades do Morrazo, de Pontevedra, de Val Miñor, de Baixo Miño (en constitución) e do Barbanza.
A xuntanza tivo como obxecto analizar a campaña de difamación que está a sufrir as Comunidades de Montes Veciñais en Man Común (CMVMC) de Galicia por parte dun grupo minoritario de empresarios baixo a denominación de Plataforma Galega de afectados polas Comunidade de Montes e, o que resulta grave, co desafortunado apoio do goberno da Xunta de Galicia.
Asemade, aprobouse un manifesto denominado “O Monte Veciñal en Man Común: unha realidade histórica viva no século XXI” (PREMER AQUI), co que se quere lembrar á sociedade galega o imprescindible papel desempeñado polo monte veciñal en man común historicamente e na actualidade en Galicia, así como o seu posicionamento diante dunha posible reforma da lexislación vixente.
