Mostrando entradas con la etiqueta Centros educativos. Mostrar todas las entradas
Mostrando entradas con la etiqueta Centros educativos. Mostrar todas las entradas

19 oct. 2018

ABRAZO AO MONTE: INICIATIVA DE 9 CENTROS PÚBLICOS DE VIGO


Neste venres 19 de outubro de 2018, 1300 escolares de nove centros públicos de Vigo fixeron un "ABRAZO AO MONTE", nunha xornada mestura de festa, recordo e reivindicación medioambiental para o futuro (ver detalle da acción no seguinte ENLACE). 

Tivo lugar nos montes da Sobreira e  dos Pozos e realizouse en colaboración coa Comunidade de Montes de Valladares e con Montes de Vigo. No acto estiveron presentes o Alcalde de Vigo, Abel Caballero, e o Delegado Territorial de Educación, César Pérez Ares.

Os centros educativos participantes foron: CEIP Sobreira-Valadares, CEIP J. Alonso -Matamá, CEIP A Paz -Tintureira, CEIP Castelao -Navia, CEIP Igrexa Candeán, CEIP Eduardo Pondal, CEIP O Pombal, CEIP Escultor Acuña e o IES de Valadares. O lema da acción "abrazo ao monte" estivo acompañado por un logotipo creado por un dos participantes.


Plantación no Monte de Sobreira e abrazo ao monte en Monte dos Pozos.
Un dos epicentros dos lumes de outono de 2017 tivo lugar a carón do CEIP Sobreira-Valadares e do IES de Valadares. Por tal motivo, diante destes centros tivo lugar a primeira parte do acto, cunha plantación simbólica por parte de escolares de todas as idades. (ver vídeo do telexornal da TVG)


Como símbolo de lembranza desta plantación inaugurouse no monte da Sobreira un monolito representativo por parte das autoridades presentes.

Posteriormente o grupo de escolares trasladouse ata Monte dos Pozos onde tivo lugar o xesto de abrazar ao monte queimado e ler o manifesto do acto (ver texto), para berrar ao final o lema da campaña: "Eu son cortalumes"


Por parte da Comunidade de montes de Valladares fíxose unha solta de pombas como símbolo de que os montes volven a recobrar vida. 

Finalmente, despois da merenda patrocinada por Gadis, tivo lugar o festival onde, da man do "home orchestra", cantáronse cancións e realizáronse bailles, podendo coñecer a historia do monte dos Pozos.


Seguimento da actividade
- Album resumo da actividade (PREMER
- Video resumo da actividade (PREMER)
- Presenza en Televisión de Galicia (PREMER)
- Presenza no Faro de Vigo (PREMER)

20 mar. 2018

PLANTACIÓN NA COMUNIDADE DE MONTES DE CORUXO CO COLEXIO MIRALBA


O alumnado de 4º de primaria do Colexio Miralba participaron esta mañá nunha intensa sesión de plantación de preto de 90 castiñeiros na Comunidade de Montes de Coruxo. Tamén poideron visitar distintas zonas afectadas polos incendios nesta comunidade e comprender as distintas consecuencias nos montes de frondosas e nos montes de piñeiro e eucalipto.
O presidente da Comunidade de Montes de Coruxo ilustrou o traballo que se está a facer e acompañou no proceso de plantación.




24 feb. 2018

O ALUMNADO DO CEIP RÍA DE VIGO FAI UNHA PLANTACIÓN NOS MONTES DE OIA E VISITA ZONAS QUEIMADAS


Este venres 23 de febreiro tocoulle ao alumnado de 5º e 6º do CEIP Ría de Vigo achegarse ata os Montes de Oia á facer a súa pequena contribución á creación dun anel verde nos montes de Vigo. Plantaron castiñeiros froito das contribucións solidarias recibidas na Mancomunidade de Montes de Vigo e poideron entender a importancia de contar cos montes coidados nas zonas limítrofes da cidade.

Previamente á plantación realizouse unha visita guiada ata os montes de Coruxo limítrofes cos montes de Oia onde chegou o lume. Poideron comprobar a diferencia existente e as actuacións de prevención de escorrentías así como as futuras accións de rexeneración.


9 mar. 2017

PLANTACIÓN ESCOLAR NOS MONTES DE CANDEÁN


Nunha mañá expléndida, o alumnado de 4º do Colexio Miralba participou na plantación organizada por Montes de Vigo e a Comunidade de Montes de Candeán. Os máis de 70 alumnos e alumnas participantes poideron comprobar de preto como é o traballo nunha comunidade de montes para conservar o monte, erradicando especies invasoras e promovendo especies autóctonas como o carballo.
Esta repoboación simbólica pretende dar a coñecer o traballo que se leva facendo en 9 comunidades de montes de Vigo co patrocinio da Concellería de Parques e Xardíns de Vigo e que neste ano supón a plantación de 1100 castiñeiros micorrizados.
Ao rematar a plantación o alumnado realizou unha parte do traxecto do sendeiro local de Candeán, deténdose en lugares de particular interese como a plantación de oliveiras promovida pola comunidade de montes ou na Lagoa de Seixo, cunha destacada biodiversidade e un lugar especial para os anfibios.



17 nov. 2016

VISITA DO CEIP JOSEFA ALONSO Á COMUNIDADE DE MONTES DE MATAMÁ

A Comunidade de Montes de Matamá acolleu no Parque Forestal do Maruxento ao alumnado de 4º, 5º e 6º do CEIP Josefa Alonso.
Un total de 50 rapaces e rapazas que experimentaron a fondo as sensacións do monte no outono e poideron comprobar a variedade de árbores que hai no parque, a múltiple fauna que habita no monte de Matamá, así como o traballo de conservación que fan os/as comuneiros/as de Matamá, algúns dos cales estiveron presentes.
A mañá estivo fría pero rápidamente se entrou en calor coas actividades programadas. Algunhas instantáneas das mesmas son as seguintes:




28 oct. 2016

VISITA DO CEIP PARROCO D.CAMILO Á RUTA DOS MUIÑOS DE SAN ANDRÉS

A Comunidade de Montes de San Andrés de Comesaña promoveu co CEIP Párroco D. Camilo a visita á ruta dos Muiños de San Andrés, así como o coñecemento do patrimonio etnográfico da parroquia. Asistiron arredor de 135 rapaces e rapazas dende 3º a 6º de primaria, cun nivel de participación e implicación moi intenso. Algunhas mostras:




26 oct. 2016

VISITA DO CEIP RÍA DE VIGO Á COMUNIDADE DE MONTES DE SAN MIGUEL DE OIA

A Comunidade de Montes de San Miguel de Oia principiou coas visitas escolares aos montes de Vigo. O alumnado de 5º e 6º do CEIP Ría de Vigo participou nas actividades de coñecemento do monte que se realizan tanto na aula como, posteriormente, no monte.
Tiveron ocasión de coñecer entre outras cuestións como funcionan as Comunidades de Montes, que flora e fauna se pode atopar nos montes de Oia e cal é o impacto humano nos montes.
Algunhas instantáneas da sesión do monte foron: