A Mancomunidade de montes de Vigo en colaboración con Coca Cola promoveron a plantación de 150 castiñeiros con familias viguesas que partiparon na campaña Rexeneramos os montes de Vigo - Eventos con Buen Ambiente de Coca Cola
Con esta acción realizada no tramo de anel verde situado nos montes de san miguel de oia principian unha serie de plantacións que contan co respaldo das 13 comunidades de montes de Vigo e na que participan centros educativos, colectivos e empresas.
A Mancomunidade de Montes de Vigo e as 13 Comunidades de Montes Veciñais asociadas levan recibido múltiples mostras de solidariedade dende que en outubro de 2017 tiveron lugar os incendios que asolaron un terzo da masa forestal de Vigo. Algunhas das colaboración foron monetarias e outras en planta que se está depositando nos distintos viveiros cos que contan as comunidades de montes.
O compromiso de Montes de Vigo é adicar os recursos recibidos á rexeneración dos montes queimados e a iniciar o Anel verde que atravese os montes das distintas comunidades. Neste mes de febreiro e durante o mes de marzo terán lugar as plantacións con centros educativos das parroquias, con diversos colectivos e con empresas patrocinadoras. Particularmente a primeira gran plantación terá lugar o próximo sábado 24.
Campaña "Rexeneramos os montes de Vigo" patrocinada por Coca Cola.
O sábado 24 de febreiro nos montes de Oia está previsto celebrar unha plantación de castiñeiros dentro da Campaña "Rexeneramos os Montes de Vigo" patrocinada por Coca Cola, cos participantes nos obradoiros familiares de Vigolandia realizados no nadal en IFEVI.
Data plantación: 24 de febreiro, 16:30
Participantes: familias inscritas no obradoiro de Vigolandia17
Lugar de encontro: Parque Forestal de Oia (premer en Google Maps)
Este venres 23 de febreiro tocoulle ao alumnado de 5º e 6º do CEIP Ría de Vigo achegarse ata os Montes de Oia á facer a súa pequena contribución á creación dun anel verde nos montes de Vigo. Plantaron castiñeiros froito das contribucións solidarias recibidas na Mancomunidade de Montes de Vigo e poideron entender a importancia de contar cos montes coidados nas zonas limítrofes da cidade.
Previamente á plantación realizouse unha visita guiada ata os montes de Coruxo limítrofes cos montes de Oia onde chegou o lume. Poideron comprobar a diferencia existente e as actuacións de prevención de escorrentías así como as futuras accións de rexeneración.
A Mancomunidade de Montes de Vigo ven de facer pública a Convoatoria de prazas para 2018 ao abeiro da Convocatoria de subvencións para o Fomento do Emprego de entidades sen ánimo de lucro promovida polo Concello de Vigo.
O prazo de recepción de solicitudes remata o 27 de febreiro e poderase realizar no mail info@montesdevigo.org ou na sede da Mancomunidade en Rúa Eira Vella nº 4, Saiáns, en horario de 16 a 19:30. Premer aqui para descargar
Este sábado 17 de febreiro as Escolas Infantís Municipais Mestres Goldar e Santa Cristina fixeron unha doazón de 73 piñeiros para a Campaña "Rexeneremos os montes de Vigo" que está a promover a Mancomunidade de Montes de Vigo xunto coas 13 Comunidades de Montes Veciñais membro.
Estes piñeiros foron doados por Viveros Flores de Lavadores e plantados nas correspondentes macetas polas crianzas das escolas infantís xunto coas súas familias e equipo educativo.
O "Festival solidario polos montes queimados" organizado pola Mancomunidade de Montes de Vigo celebrouse este sábado 27 de xaneiro de 2018 e contou coa presenza do Alcalde do Concello de Vigo, Abel Caballero, e das Concelleiras Chus Lago e Angeles Marra. Estiveron presentes os presidentes das Comunidades de Montes de Valladares, Coruxo, Matamá, Comesaña e Beade, así como o presidente da Mancomunidade.
No festival quíxose facer unha lembranza garimosa pola colaboración cidadá coa que se contou na extinción dos múltiples incendios, así como a destacada laboura dos distintos efectivos postos a disposición por parte do Concello de Vigo.
Houbo un momento de lembranza para as persoas fallecidas e para aquelas que na colaboración da extinción sofriron graves daños nas súas pertenencias. En particular o caso de Ramón, que perdou o seu coche. Precisamente no transcurso do festival fíxoselle entrega dunha contribución económica por parte da Comunidade de Montes de Valladares, que foi onde se produciu o percance.
Tamén se lle entregou unha placa conmemorativa ao voluntariado de Camiño a Camiño, do Concello de Vigo. Na recollida estivo presente unha representación de 25 dos 100 voluntarios e voluntarias participantes nas labouras de emerxencia posteriores ao incendio.
O festival contou con grupos musicais das distintas parroquias que estiveron presentes no acto e deu pé a pasar unha agradable tarde.
A Mancomunidade de Montes de Vigo organiza o vindeiro sábado, 27 de xaneiro, as 19:00 h, no Auditorio do Centro Veciñal e Cultural de Valladares (ver localización) o FESTIVAL SOLIDARIO POLOS MONTES QUEIMADOS.
O obxectivo é proseguir coa recadación de fondos para as actividades de recuperación dos montes comunais queimados e para a creación do anel verde previstas realizar durante este ano.
Tamén está previsto agradecer ao voluntariado de Camiño a Camiño do Concello de Vigo a súa colaboración realizada durante os meses de novembro e decembro.
No programa adxunto recóllese a programación prevista para o Festival.
O stand de Montes de Vigo en Vigolandia 2017 está sendo visitado por moito público e as actividades realizadas foron recollidas nunha reportaxe que o programa A Revista da TVG retrasmitiu este xoves 28 de decembro (premer).
O proceso de inscrición na Trail polos Montes de Vigo na súa edición de 2017 xa está dispoñible no seguinte enlace (premer). As categorías poden ser Ultra Trail (68km), Trail Largo (37km), Trail Corto (25km) e Andaina (25km).
Tamén pódese seguir a proba en Facebook (premer)
Este domingo nos Montes de Zamáns tivo lugar a II Marcha ciclista popular polos Montes de Vigo organizado pola Mancomunidade de Montes de Vigo en colaboración co A Golpe de Pedal.
Contou cunha ampla participación de ciclistas de todas as idades tal e como queda recollido na reportaxe fotográfica (premer)
O Concelleiro de Fomento e Transportes, David Regades, estivo presente e participou no percorrido, xunto cos directivos de Montes de Vigo e da Comunidade de Montes de Zamáns.
A cuarta edición da Andaina polos montes de Vigo, con preto de 1200 participantes, consolidouse como o evento que pon en valor a práctica do sendeirismo en Vigo. Foi posible gracias a iniciativa da Concellería de Medio Ambiente e contou co apoio decidido de Montes de Vigo, así como co patrocinio de Eroski e El Corte Inglés.
Atravesou 6 das 13 comunidades de montes existentes en Vigo e permitiu contemplar como os sendeiros locais de Vigo e, en xeral, os montes de Vigo son un auténtico espazo de lecer para a cidadanía.
Durante o momento do xantar o Sr Alcalde compartiu empanada cos participantes e cos membros da Xunta directiva de Montes de Vigo presentes.
A festa do sendeirismo rematou no Parque Forestal de Beade que deu acollida a un prezoso momento de encontro entre todos e todas e tamén deu acollida a actividades novidosas como o espazo de multiaventura ou a ruta para persoas con mobilidade reducida. Houbo momentos moi agradables con todo tipo de participantes.
Na organización da Andaina participaron voluntarios das distintas comunidades de montes, que xunto con Protección Civil e a organización fixeron posible que todo se desenvolvera con normalidade.
O proceso de inscrición na IV Andaina polos montes de Vigo, organizada polo Concello de Vigo en colaboración con Montes de Vigo, prosegue a bo ritmo e está aberto ata o venres 26 de maio nas dúas sedes previstas: 5º andar de El Corte Inglés (deportes de montaña en horario comercial) e Casa da Xuventude(López Mora 31, de 9 a 14h e de 17 a 20h). Coa inscrición entregarase un vale para recoller a camiseta da IV Andaina en El Corte Inglés entre a tarde do xoves 25 e o venres 26 de maio.
Lembrar que existe un amplo abano de posibilidades de participación (ver folleto): - Percorrido completo da Andaina: 40,1 km. Control en Praza do Rei as 7:00 para coller os autobuses e iniciar a andaina as 8:45 dende Vigozoo. Realízanse os tres tramos trazados. - Percorrido Medio 1 da Andaina: 28,9 km. Control en Praza do Rei as 7:00 para coller os autobuses e iniciar a andaina as 8:45 dende Vigozoo. Realízanse os dous primeiros tramos trazados. - Percorrido Medio 2 da Andaina: 20,1 km. Control en Praza do Rei as 8:30 para coller os autobuses e iniciar a andaina as 9:30 dende a Área Recreativa do Pouso en Bembrive. Realízanse os dous últimos tramos trazados. - Percorrido curto da Andaina: 11,2 km. Control en Praza do Rei as 10:00 para coller os autobuses e iniciar a andaina as 11:30 dende o Parque Forestal de Beade. Tamén se pode acceder en coche ao propio PF Beade as 10:30 e realizar directamente o control de saída.. Realízase o último tramo trazado. - Pequerruta: 1,8 km. Trazado adaptado para familias con nenos/as moi pequenos. Logo poderase proseguir no novo Espazo de Multiaventura (con Tirolina, Rocódromo, Ximcana medioambiental, etc) creado no propio Parque Forestal de Beade. É preciso inscribirse no Percorrido curto, ben na modalidade de saída na Praza do Rei ou ben na saída no propio parque forestal. - Ruta adaptada a persoas con mobilidade reducida: 5,1 km. Está previsto que o servizo de apoio con sillas adaptadas para persoas con mobilidade reducida estea operativo o domingo 28. Neste caso a inscrición faise directamente na Concellería de Medio Ambiente, que informará dos detalles da dinámica.
Resultou dun encanto especial o paseo deste sábado 6 de maio polos montes de Bembrive, e particularmente polo seu parque botánico "Arco da Vella" ao carón do rio Eifonso.
Cos comentarios de Araceli poidemos comprobar como nun pequeno traxecto xúntase unha importante cantidade de flora e fauna autóctona, ademáis de pequenos espazos dunha beleza dignos de mención con patrimonio natural e etnolóxico. Os diálogos xerados e as sensacións vividas ben pagaron a pena.
Nas fotografías (premer) recóllese só unha pequena bocanada do experimentado e para mostra un boton:
Os montes de Bembrive acollen este sábado 6 de maio, as 16:30, o terceiro paseo de primavera polos Montes de Vigo. Nesta ocasión visitarase un espazo singular: o parque botánico "Arco da Vella", un dos poucos que acollen únicamente especies autóctonas ao carón da ribeira do río Eifonso.
O percorrido arranca da Capela dos Ramallos ou de San Cibrán (premer aqui) e transcorre por un tramo do sendeiro do Eifonso ata o barrio de Mourelle. Antes de chegar á estrada desvíase e volve a subir ata Os Ramallos.
Son aproximadamente 3 quilómetros, pero de gran intensidade posto que nos atoparemos unha combinación de 7 contidos (como os 7 cores do arco da vella): árbores, arbustes e gabeadoras, pequenas plantas e cogomelos, fauna, auga, patrimonio etnográfico e creacións artísticas coma a escultura de Land-Art. Tamén poderemos coñecer de preto a lenda do Arco da Vella. Pódense contemplar múltiples elementos interpretativos a medida que se fai o percorrido: paneis verticais (premer) e paneis horizontais (premer)
Para as inscricións empregar a solapa INSCRICIÓNS (premer)
O día presentábase incerto. Aínda así un nutrido grupo de paseantes animáronse a coñecer o corazón da Comunidade de montes de Zamáns.
Primeiro aproximámonos aos muíños, que en conxunto proporcionaban unha fermosa imaxe. Logo baixamos e atopámonos fermosas estampas no arredor do encoro. Chegamos ato muíño do Maquías e, por certo, da mán de Manuel soubemos que significaba a "maquía" (intercambio en especies que se lle entregaban os usuarios do muíño ao propietario).
Logo subimos ata o monte onde coñecimos da man de Xosé o que estaba a facer a comunidade de montes en canto a xestión e recuperación. Finalmente uns dirixíronse cara a Praza da Leiteira (por certo soubemos que era unha homaxe ás que foron as subministradores de leite de Vigo ata os anos 70) e outros aínda percorreron uns quilómetros adicionais e contemplaron as plantacións que se están facendo nos montes con árbores autóctonos.
Ao final xa facía fresco, pero realmente prestou. E senón que llo digan aos máis novos, que coas cámaras de fotos fixeron unha reportaxe interesante. Mentres se selecciona a gran cantidade fotos, vaise facendo un avance no apartado de Fotos (premer)
Nesta ocasión a proposta de Montes de Vigo para pasear o sábado 29 de abril encamíñase aos montes de Zamáns, en concreto aos muíños que nos atopamos arredor do río Zamáns e que se concentran tanto na área etnoarqueolóxica cos muíños rehabilitados pola Comunidade de Montes de Zamáns (premer para ver máis información) como no muíño de Maquías.
Posteriormente, en función dos participantes, daranse dúas alternativas de volta: ou ben realizar un tramo do sendeiro local de Zamáns (os que queiran camiñar máis) ou ben un percorrido máis curto (familias con nenos/as ou quen queira menos traxecto)
O lugar de quedada será na Praza da Leiteira (ver google maps), ao lado da igrexa de Zamáns, as 16:30. A intención é de rematar, aproximadamente, as 19:30.
Para inscribirse empregar a solapa INSCRICIÓNS (premer aqui)
Este pasado sábado principiaron os Paseos polos Montes de Vigo na súa edición de primavera'17. O primeiro tivo lugar nos montes de Coruxo e permitiu contemplar a riqueza e variedade de petroglifos concentrada neste lugar.
Ver fotos do paseo neste enlace (premer) e fotos feitas poloos nenos/as no safari fotográfico (premer)
Participaron 40 persoas que ao longo de máis de 7 quilómetros gozaron dun expléndido día, unhas vistas panorámicas moi relaxantes e, ao final, da man de Antonio, o presidente da Comunidade de Montes de Coruxo, dunhas historias moi interesantes sobre a Pedra Moura
Os paseos polos montes de Vigo principian este sábado 22 de abril, as 16:30, coa visita á senda arqueolóxica nos montes de Coruxo. O lugar de quedada é diante da sede da Comunidade de Montes de Coruxo, en Fragoselo (premer para localizar)
Para acceder á inscrición premer neste enlace. Lembrar que se te inscribes no lugar de inicio no Clube de amigos/as dos montes de Vigo a achega é de 1 euro. Os menores de idade participan de balde.
Os montes de Vigo posúen unha grande riqueza de patrimonio arqueolóxico. No seu día publicouse un monográfico (premer) no que se facía unha interesante recopilación ao respecto.
Precisamente no paseo deste sábado vaise poder ollar unha parte do que se atopa nun dos montes con máis cantidade e variedade de expresións arqueolóxicas: os montes de Coruxo. Son coñecidos os petroglifos de Pedra Moura ou O Carballoso, pero hai máis exemplos (ver en mapa adxunto) así como a Mámoa de Chan Grande. Estades convidados a facer unha aproximación a este mundo e asemade gozar da riqueza natural e paisaxística do lugar.
Neste enlace podedes ver en Wikilock o percorrido e os petroglifos que imos visitar
A Asemblea da Mancomunidade de Montes de Vigo deste pasado luns 10 de abril aprobou a programación de actividades para esta Primavera 2017, que conta coa colaboración do Concello de Vigo, e entre as que cabe destacar: - Os paseos guiados polos montes de Vigo:
Paseo polos montes de Coruxo: senda arqueolóxica
Sábado, 22 abril, 16:30-19:30.
Punto de inicio: Fragoselo
Paseo polos montes de Zamáns: senda dos muíños
Sábado, 29 abril, 16:30-19:30.
Punto de inicio: Parque forestal de Zamáns
Paseo polos montes de Bembrive: Arco da Vella
Sábado, 6 maio, 16:30-19:30.
Punto de inicio: Capela de San Cibrao ou dos Ramallos
Paseo polos montes de Cabral
Sábado, 13 maio, 16:30-19:30.
Punto de inicio: parking do IFEVI - A IV Andaina polos montes de Vigo, a celebrar o 28 de maio de 2017. Darase a coñecer con máis detalle a principios de maio. Para máis información en relación coa inscrición e participación nestas actividades consultar a pestaña "Actividades Primavera17" (premer aqui)
