Mostrando entradas con la etiqueta Paseo. Mostrar todas las entradas
Mostrando entradas con la etiqueta Paseo. Mostrar todas las entradas

24 abr. 2018

CUARTO PASEO POLOS MONTES DE VIGO O 28 DE ABRIL NOS MONTES DE CANDEÁN


Paseos polos montes de Vigo: Sendeiro Local de Candeán

Seguindo cos paseos propostos pola Concellería de Medio Ambiente e a Mancomunidade de Montes de Vigo de cara a coñecer as riquezas medioambientais, paisaxísticas e patrimoniais existentes nos montes de Vigo, nesta ocasión toca achegarse aos montes de Candeán, no entorno do Parque Forestal de Vixiador. Un lugar moi agraciado na primavera.

Punto de encontro: Cafetería do Parque Forestal do Vixiador (localización en Google Maps
Hora de quedada: 16:30. Duración aproximada: 2:30 horas
Público destinatario: familias con menores, persoas interesadas no coñecemento dos montes de Vigo.
Temas a abordar: flora e fauna dos montes de Candeán, a ruta dos Dolmens, etc

Inscrición gratuíta de luns a venres a medio día no 010 (986 81 02 60 dende móbil) ou no apartado Inscricións do blog de montes de Vigo (premer aqui)

Máis información: montesdevigo.servizos@gmail.com ou no 662 23 10 23.

15 abr. 2018

TERCEIRO PASEO POLOS MONTES DE VIGO O 21 DE ABRIL NOS MONTES DE ZAMÁNS


Terceira semana de Paseos polos Montes de Vigo. Nesta ocasión a proposta feita pola Mancomunidade de Montes de Vigo en colaboración coa Concellería de Medio Ambiente, é coñecer as riquezas medioambientais, paisaxísticas e patrimoniais existentes nos montes de Zamáns, un xogo de contrastes pouco coñecidos entre o encoro e o Monte Galiñeiro. 

Punto de encontro: Praza da Leiteira de Zamáns (localización en Google Maps

Hora de quedada: 16:30. Duración aproximada: 2:30 horas

Público destinatario: familias con menores, persoas interesadas no coñecemento dos montes de Vigo.

Temas a abordar: flora e fauna a carón do encoro, os incendios vividos nos montes de Zamáns e a reforestación, etc.

Inscrición gratuíta de luns a venres a medio día no 010 (986 81 02 60 dende móbil) ou no apartado Inscricións do blog de montes de Vigo (premer aqui)


Máis información: montesdevigo.servizos@gmail.com ou no 662 23 10 23.

9 abr. 2018

SEGUNDO PASEO POLOS MONTES DE VIGO O 14 DE ABRIL NO PARQUE BOTÁNICO "ARCO DA VELLA" (BEMBRIVE)



Segunda semana de Paseos polos Montes de Vigo. Nesta ocasión a proposta feita pola Mancomunidade de Montes de Vigo en colaboración coa Concellería de Medio Ambiente, é coñecer as riquezas medioambientais, paisaxísticas e patrimoniais existentes nos montes de Bembrive. Trátase do Parque botánico "Arco da Vella" a carón do río Eifonso.

Punto de encontro: Capela dos Ramallos ou de San Cibrao (localización en Google Maps

Hora de quedada: 16:30. Duración aproximada: 2:30 horas

Público destinatario: familias con menores, persoas interesadas no coñecemento dos montes de Vigo.

Temas a abordar: flora e fauna dun bosque de ribeira (ver paneis), patrimonio, o río Eifonso, etc

Inscrición gratuíta de luns a venres a medio día no 010 (986 81 02 60 dende móbil) ou no apartado Inscricións do blog de montes de Vigo (premer aqui)


Máis información: montesdevigo.servizos@gmail.com ou no 662 23 10 23.

31 mar. 2018

PASEOS POLOS MONTES DE VIGO DENDE ABRIL DE 2018


Mancomunidade de Montes de Vigo, dentro do programa de educación medioambiental Camiño a Camiño da Concellería de Medio Ambienteten previsto catro paseos polos sendeiros locais de Vigo (Saiáns, Bembrive, Zamáns e Candeán) dun xeito sosegado e apto para todos aqueles que queiran coñecer as riquezas medioambientais, paisaxísticas e patrimoniais existentes nos montes de Vigo.

O primeiro paseo terá lugar polo Sendeiro Local de Saiáns (ver trazado), cun percorrido de 3,1 quilómetros.


Punto de encontro: Parque Forestal de Saiáns (localización en Google Maps

Hora de quedada: 16:30. Duración aproximada: 2:30 horas
Público destinatario: familias con menores, persoas interesadas no coñecemento dos montes de Vigo.
Temas a abordar (ver puntos de interese): os Piñeiros do Mundo, a biodiversidade da Fraga Cal do Outeiro, as vistas panorámicas dende o Castro Alto da Medoña, os muíños naviculares da Estea, etc

Inscrición gratuíta de luns a venres a medio día no 010 (986 81 02 60 dende móbil) ou no apartado Inscricións do blog de montes de Vigo (premer aqui)


Máis información: montesdevigo.servizos@gmail.com ou no 662 23 10 23.





11 may. 2017

SUSPENDIDO O PASEO POR CABRAL DO SÁBADO 13 DE MAIO


Por motivos climatolóxicos, decídese suspender o Paseo polos montes de Cabral previsto para o sábado 13 de maio.



8 may. 2017

O ARCO DA VELLA DE BEMBRIVE, UN LUGAR ENCANTADOR


Resultou dun encanto especial o paseo deste sábado 6 de maio polos montes de Bembrive, e particularmente polo seu parque botánico "Arco da Vella" ao carón do rio Eifonso.

Cos comentarios de Araceli poidemos comprobar como nun pequeno traxecto xúntase unha importante cantidade de flora e fauna autóctona, ademáis de pequenos espazos dunha beleza dignos de mención con patrimonio natural e etnolóxico. Os diálogos xerados e as sensacións vividas ben pagaron a pena.

Nas fotografías (premer) recóllese só unha pequena bocanada do experimentado e para mostra un boton:





4 may. 2017

O PARQUE BOTÁNICO DO ARCO DA VELLA CENTRA O TERCEIRO PASEO POLOS MONTES DE VIGO


Os montes de Bembrive acollen este sábado 6 de maio, as 16:30, o terceiro paseo de primavera polos Montes de Vigo. Nesta ocasión visitarase un espazo singular: o parque botánico "Arco da Vella", un dos poucos que acollen únicamente especies autóctonas ao carón da ribeira do río Eifonso.

O percorrido arranca da Capela dos Ramallos ou de San Cibrán (premer aqui) e transcorre por un tramo do sendeiro do Eifonso ata o barrio de Mourelle. Antes de chegar á estrada desvíase e volve a subir ata Os Ramallos.

Son aproximadamente 3 quilómetros, pero de gran intensidade posto que nos atoparemos unha combinación de 7 contidos (como os 7 cores do arco da vella): árbores, arbustes e gabeadoras, pequenas plantas e cogomelos, fauna, auga, patrimonio etnográfico e creacións artísticas coma a escultura de Land-Art. Tamén poderemos coñecer de preto a lenda do Arco da Vella. Pódense contemplar múltiples elementos interpretativos a medida que se fai o percorrido: paneis verticais (premer) e paneis horizontais (premer)

Para as inscricións empregar a solapa INSCRICIÓNS (premer)


29 abr. 2017

ANIMADO PASEO POLOS MUÍÑOS E MONTES DE ZAMÁNS


O día presentábase incerto. Aínda así un nutrido grupo de paseantes animáronse a coñecer o corazón da Comunidade de montes de Zamáns.

Primeiro aproximámonos aos muíños, que en conxunto proporcionaban unha fermosa imaxe. Logo baixamos e atopámonos fermosas estampas no arredor do encoro. Chegamos ato muíño do Maquías e, por certo, da mán de Manuel soubemos que significaba a "maquía" (intercambio en especies que se lle entregaban os usuarios do muíño ao propietario).

Logo subimos ata o monte onde coñecimos da man de Xosé o que estaba a facer a comunidade de montes en canto a xestión e recuperación. Finalmente uns dirixíronse cara a Praza da Leiteira (por certo soubemos que era unha homaxe ás que foron as subministradores de leite de Vigo ata os anos 70) e outros aínda percorreron uns quilómetros adicionais e contemplaron as plantacións que se están facendo nos montes con árbores autóctonos.


Ao final xa facía fresco, pero realmente prestou. E senón que llo digan aos máis novos, que coas cámaras de fotos fixeron unha reportaxe interesante. Mentres se selecciona a gran cantidade fotos, vaise facendo un avance no apartado de Fotos (premer)

25 abr. 2017

SEGUNDO PASEO DE PRIMAVERA POLOS MONTES DE ZAMÁNS


Nesta ocasión a proposta de Montes de Vigo para pasear o sábado 29 de abril encamíñase aos montes de Zamáns, en concreto aos muíños que nos atopamos arredor do río Zamáns e que se concentran tanto na área etnoarqueolóxica cos muíños rehabilitados pola Comunidade de Montes de Zamáns (premer para ver máis información) como no muíño de Maquías.

Posteriormente, en función dos participantes, daranse dúas alternativas de volta: ou ben realizar un tramo do sendeiro local de Zamáns (os que queiran camiñar máis) ou ben un percorrido máis curto (familias con nenos/as ou quen queira menos traxecto)

O lugar de quedada será na Praza da Leiteira (ver google maps), ao lado da igrexa de Zamáns, as 16:30. A intención é de rematar, aproximadamente, as 19:30.

Para inscribirse empregar a solapa INSCRICIÓNS (premer aqui)


24 abr. 2017

A SENDA ARQUEOLÓXICA DE CORUXO REMATOU COA LENDA DA PEDRA DA MOURA



Este pasado sábado principiaron os Paseos polos Montes de Vigo na súa edición de primavera'17. O primeiro tivo lugar nos montes de Coruxo e permitiu contemplar a riqueza e variedade de petroglifos concentrada neste lugar.

Ver fotos do paseo neste enlace (premer) e fotos feitas poloos nenos/as no safari fotográfico (premer)



Participaron 40 persoas que ao longo de máis de 7 quilómetros gozaron dun expléndido día, unhas vistas panorámicas moi relaxantes e, ao final, da man de Antonio, o presidente da Comunidade de Montes de Coruxo, dunhas historias moi interesantes sobre a Pedra Moura

Ver vídeo adxunto.






8 nov. 2016

DESCONVOCADO O ÚLTIMO PASEO POLOS MONTES DE ZAMÁNS, AS 16:30


POR MOTIVOS CLIMATOLÓXICOS QUEDA DESCONVOCADA A ACTIVIDADE

Este sábado 12 péchase a tempada de Paseos polos Montes de Vigo cun percorrido pola Comunidade de Montes de Zamáns, na que hai un importante traballo de reordenación do monte e interesantes plantacións de autóctonas. Tamén se poderán ver algúns dos espazos con encanto da cara do Galiñeiro que mira para Vigo e panorámicas fermosas.
O lugar de quedada é na cafetería do Parque Forestal de Zamáns (premer aqui para a localización). A hora de inicio é as 16:30, que se anticipa sobre o previsto por mor do cambio horario.
Ao rematar está previsto, como xa ven sendo costume, gozar dun magosto entre todos os participantes no entorno da cafetería.
Para inscribirse, premer aqui.

6 nov. 2016

PASEO REALIZADO POLAS COMUNIDADES DE CANDEÁN E CABRAL

Este sábado 5 de novembro tivo lugar o terceiro Paseo polos Montes de Vigo, entre as Comunidades Veciñais de Candeán e Cabral.
Despois do chaparrón de medio dia, a tarde quedou moi agradable para pasear polo monte. A luz envolvente e as follas polo chan protagonizaron un percorrido de no que se poido contemplar un auténtico "parque temático" forestal debido á variedade de plantacións que nos poidemos atopar. Tamén poidose comprobar o contraste da xestión forestal das comunidades co abandono das propiedades privadas. Todo isto pódese comprobar nas fotos subidas (premer aqui), das cales aparecen un mostra abaixo.
Tamén foi salientable o rato agradable no terceiro tempo vivido na cafetería do Parque forestal de Candeán, onde saboreáronse as castañas tanto cocidas como asadas e o viño novo e, por suposto, deu vagar para a conversa sosegada.
O percorrido pódese descargar en Wikilock (pulsar aqui)





2 nov. 2016

ADIANTASE AS 16:30 O PASEO POR CANDEÁN E CABRAL


Debido ao cambio de hora, procédese a adiantar as 16:30 a saída do Paseo por Candeán e Cabral do vindeiro sábado 5 de novembro.
Neste paseo farase un percorrido polo monte de Vixiador da Comunidade de Montes de Candeán, a meirande parte chairo, para achegarnos ao monte de Bandeira pertencente á Comunidade de Montes de Cabral. No percorrido verase unha variedade de plantacións interesante froito do traballo de recuperación dos últimos lustros.
Á volta, na cafetería do Parque forestal de Vixiador, terá lugar o magosto e poderanse recuperar forzas.
Para chegar ao inicio da actividade no Parque forestal de Vixiador pódese premer neste enlace de Google Maps.
Para inscribirse na actividade premer aqui.

31 oct. 2016

PERCORRIDO POLO CAMIÑO REAL NOS MONTES DE VALLADARES E COMESAÑA

Este martes 1 de novembro, as 10:30 no Sanatorio do Alba, terá lugar un percorrido polos montes de Valladares e de Comesaña co obxecto de achegarnos aos "camiños reais", as antigas estradas que comunicaban as principais localidades.
Nos montes de Valladares circularemos polada variante que procedente de Tui, pasaba por Gondomar e Vincios, para dirixirse a Castrelos e finalmente a Vigo.
Nos montes  de Comesaña simplemente tocaremos un tramo que se aproximaría á variante que tamén procedente de Tui entraba por Ramallosa, San Miguel de Oia, San Andrés e por distintas vías remataba en Vigo. Neste traxecto, coñeceremos un lugar cunha rodeiras de carro moi chamativas e que está inserta no sendeiro local de Comesaña.
A modo de aproximación ao percorrido subimos os seguintes mapas: unha reconstrucción dos camiños reais dende Tui a Vigo, e un detalle da área que circularemos nos montes de Valladares e de Comesaña


30 oct. 2016

PASEO REALIZADO POLOS MONTES DAS COMUNIDADES DE BEADE E BEMBRIVE

Este sábado 29 de outubro tivo lugar o segundo Paseo polos montes de Vigo, entre as Comunidades Veciñais de Beade e de Bembrive.
A tarde presentouse estival, algo impropio desta época, o que fixo que resultase moi agradable circular polo monte. As 36 persoas participantes gozaron das cores do outono, da variedade de cogumelos, de zonas con castañas e, en definitiva, dunha auténtica sensación de monte.
Paseamos por lugares con interesantes historias como a Aldea da Fraga, a Casa das Augas ou a Capela de San Cibrao ou dos Ramallos. Neste punto arranca o Parque Botánico Arco da Vella, moi recomendable.
O percorrido pódese descargar en Wikilock (pulsar aquí).
As fotos do paseo pódense observar premendo aquí. Algunhas mostras de seguido:








27 oct. 2016

NOVAS ACTIVIDADES POLOS MONTES DE VIGO O 29 DE OUTUBRO E O 1 DE NOVEMBRO

Prosigue a programación de outono de Montes de Vigo cunha dobre proposta para gozar do outono e da historia dos montes (premer para inscribirse):

1. Paseo polos montes de Beade e Bembrive (sábado 29 outubro, 17 horas no Parque Forestal de Beade)
Como no sábado pasado, a proposta é percorrer unha parte da Comunidade de Montes de Beade onde atoparemos frondosas (agardamos que aínda queden castañas) para logo dirixirnos cara a Capela dos Ramallos en Bembrive, onde tamén atoparemos unha parte do monte de frondosas que a Entidade Local Menor de Bembrive dispón.
Voltarase ao orixe, e ben no exterior ou ben no local da Comunidade de Montes, terá lugar un sinxelo magosto entre os participantes para rematar a actividade.
Para chegar á cafetería do Parque Forestal de Beade, onde iniciaremos a actividade, podes empregar este enlace de Google Maps.


2. Percorrido polo Camiño Real entre Valladares e Comesaña (martes 1 novembro, 10:30 no Sanatorio do Alba)
Nesta ocasión pretendese pasear por algúns tramos do "camiño real" que unían o Val Miñor coa comarca do Val do Fragoso. Sairase do Sanatorio do Alba, no aparcadoiro onde se deixarán os coches, para internarse na Comunidade de Montes de Valladares.
Dado que hai un desnivel importante, tentarase combinar tramos do percorrido histórico con tramos de carretera con menor pendente.
Pasarase polo barrio de Freixo e chegarase a un dos extemos da parroquia de Comesaña, en cuxo monte atópase a fermosa rodeira recuperada pola Comunidade de Montes de Comesaña (ver foto adxunta). Esta rodeira ou "rilleira" atópase no percorrido do Sendeiro Local de Matamá-Comesaña (premer para máis información)
Para chegar ao lugar de saída podedes empregar este enlace de Google Maps.

23 oct. 2016

PASEO REALIZADO POLOS MONTES DAS COMUNIDADES DE OIA E SAIÁNS

Este sábado 22 de outubro principiaron os Paseos polos montes de Vigo e achegámonos as Comunidades de Montes Veciñais de Oia e de Saiáns
Cunha climatoloxía moi agradable a pesar da mala previsión, realizaron o paseo 42 persoas e poideron comprobar dun xeito lúdico como o monte se viste de outono. 
Guiaron o paseo Manolo e Uxío, os presidentes das comunidades de Oia e Saiáns, e poidemos achegarnos a algúns dos soutos de castiñeiros que se atopan en plena eferverscencia, así como a algúns puntos de interese paisaxístico (p.e: Tres Outeiros) e algúns dos lugares onde están traballando intensamente na recuperación de especies autóctonas e expulsión de alóctonas, fundamentalmente acacia.
O percorrido pódese descargar en Wikilock (pulsar aqui). O primeiro tramo é reconstruído.
As fotos do paseo pódense observar premendo aqui. Algunhas mostras a continuación:






19 oct. 2016

ESCOMENZA A TEMPADA DE PASEOS POLO MONTE CON OIA-SAIÁNS



O monte xa empeza a vestirse de outono e as sensacións son melancólicas. Ao mesmo tempo invita a iniciar a tradición da recolleita da castaña e do cogumelo e a celebración arredor da mesa.
Precisamente este sábado 22 de outubro, as 17:00 estades convidados a realizar un paseo polos montes de Oia e Saiáns. O lugar de convocatoria é o Parque Forestal de Saiáns (ver localización), onde se deixarán os coches.
Se o tempo o permite, aparte de facer un percorrido circular, apañaranse castañas e coñeceranse curiosidades do monte nesta época.
Ao final farase un magosto, ben no monte se se está agradable, ben na asociación de veciños de Saiáns se está o tempo desapacible.
Lembraros de inscribir aqui.

26 sept. 2016

PROGRAMA DE ACTIVIDADES OUTONO 2016



Esta fin de semana arranca o mes de outubro e con el o abano de actividades que Montes de Vigo xunto coas Comunidades de Montes Veciñais asociadas ofrece durante este mes á cidadanía viguesa (premer para descargar)

1-2 outubro (quenda 1): Curso de iniciación á fotografía dixital na natureza (locais da C.M.V. de Castrelos)

2 outubro: I Marcha ciclista polos Montes de Vigo (Parque Forestal do Vixidador) (ver detalle)

12 outubro: Visita ao Parque botánico do Arco da Vella (montes da Entidade Local Menor de Bembrive)

15-16 outubro (quenda 2)Curso de iniciación á fotografía dixital na natureza (locais da C.M.V. de Castrelos)

22 outubro: Paseo polos montes de Oia e Saiáns, con magosto ao remate

29 outubroPaseo polos montes de Beade e Bembrive, con magosto ao remate

Inscribirse no formulario online (premer aqui) ou no teléfono 608 84 89 89

Acceso ao programa completo (premer aqui)

18 sept. 2016

PASEO POLA COMUNIDADE DE MONTES DE VALLADARES

A Comunidade de Montes de Valladares organizou este sábado 17 de setembro un paseo entre Monte dos Pozos e Monte Alba, pasando polo Monte Cepudo, para contemplar herbas medicinais e outras curiosidades dos montes polos que se transitou. 
Campio foi o dinamizador do paseo e aportou o seu coñecemento sobre o terreo e, finalmente na Casa da Comunidade de Montes presentou unha mostra completa de herbas e outros utensilios alí depositados. Unha bonita mañá e, sen dúbida, boas aprendizaxes. 
O track do paseo atópase depositado en Wikilock e pódese acceder neste enlace.
As fotos do paseo atópanse na sección Fotos ou neste enlace. De seguido algunha mostra da actividade.