• Inicio
    Inicio Aquí es donde puedes encontrar todas las publicaciones del blog.
  • Categorías
    Categorías Muestra una lista de categorías de este blog.
  • Etiquetas
    Etiquetas Muestra una lista de etiquetas que se han utilizado en el blog.
  • Bloggers
    Bloggers Busca a tu blogger preferido.
  • Blogs de Equipo
    Blogs de Equipo Busca tu equipo de blog preferido aquí.
  • Acceder
    Login Tu cuenta
69

Calma2-3

Un inmenso impacto provocaron os lumse nos montes da Mancomunidade de Montes Veciñais en Man Común de Vigo. O feito constatouse polos representantes das comunidades de montes na primeira reunión da colectivo despois da vaga de lumes do triste domingo, 15 de outubro de 2017. A xuntanza foi convocada para facer unha primeira estimación da superficie queimada e do acontecido. Os montes veciñais de Coruxo, Comesaña, Matamá e Valladares quedaron prácticamente arrasados polo lume que foi devorando todo o que atopou ao seu paso cunha voracidade sen precedentes. Tampouco quedou mellor parado o paraxe do Galiñeiro. O lume arrasou tamén cunha parte da superficie do monte veciñal de Zamáns, dentro da conca do embalse que se atopa nesa parroquia.

O sentir dos representantes das comunidades que asistiron á reunión foi de profunda pena por todo o acontecido, lamentando a perda de vidas humanas irreparables para os seus coñecidos, familiares e para a propia comunidade de montes. Igual se lamenta a perda de bens materiais e, en especial, o ben natural que, con moito esforzo, levábase potenciando ao longo dos últimos 30 anos.

Lumes en Montes de Vigo

“Nunca antes se deu o que aconteceu o pasado domingo. O estado dos montes de Vigo foi dende sempre moi bo, sendo un aspecto destacado por todo aquel que se achegaba aos mesmos coincidindo con eventos deportivos ou de lecer”. Na reunión constatouse a impotencia vivida polas persoas que colaboraron na extinción do lume, tanto comuneiros como numerosos voluntarios. A forza, velocidade e voracidade das chamas foi inusitada.

Dende fai cinco anos, coincidindo co inicio da colaboración co Concello de Vigo no mantemento e mellora dos montes veciñais, este estado mellorou aínda máis. Pero todo isto non foi suficiente para frear o lume, que avanzou a gran velocidade polos montes resultando imposible de parar.

“Só cando o vento se poñía da nosa man, foi posible facerlle fronte mediante a realización de contralumes, aproveitando pistas ou masas consolidadas de frondosas” indica Uxío González, presidente da Mancomunidade. Por exemplo, na zona suroeste dos Montes de Vigo só resultou posible salvar os montes veciñais de Saiáns e Oia aproveitando que o vento permitiu facer unha contra de 1,5 quilómetros.

LumesMontesVigo

“Na reunión pareceu constatarse certa falta de previsión do risco que supoña ese fin de semana para os nosos montes e cremos que o dispositivo contraincendios resultaba escaso tendo en conta as condicións previstas de baixa humidade, temperaturas altas e, sobre todo, fortes rachas de vento. Aínda así, foi unha situación tan excepcional que creemos que, aínda que se contase con maior cantidade de medios, non sería posible mudar de xeito significativo a situación tan dramática que se viviu”, conclúe Uxío González.

Como resultado da reunión estableceuse unha axenda de contactos tanto con estamentos políticos (principalmente Concello) como con outras organizacións do sector co obxectivo de iniciar os traballos de recuperación das zonas afectadas. Tamén búscase ordenar esa superficie de xeito que se poida facer fronte a lumes cada vez máis voraces, lumes que, ao sentir dos presentes na reunión, van ser comúns no futuro polo paulatino abandono do monte e os efectos do cambio climático.

Gregorio Álvarez, vicepresidente da Mancomunidade e presidente do monte veciñal de Valladares, un dos máis afectados, amosa un raio de esperanza a toda esta situación: “Non todo foi negativo neste domingo negro. Emocionounos a implicación das persoas, especialmente da xuventude, nos traballos de extinción do lume. Foron moitas as persoas que se achegaron ao monte a botar unha man, vindo co que podían e poñéndose a disposición nosa para tratar de frear o avance das chamas. Accións como esas fannos reflexionar de xeito moi positivo en relación ao futuro, -continúa- fannos ver que tal vez non sexa tan negro como están agora os nosos montes xa que considero que a implicación das persoas pode axudar a mudar a situación ao que se viu abocada unha parte importante da superficie forestal do concello de Vigo”.

En relación co anterior, na reunión estívose valorando como xestionar as numerosas ofertas de colaboración recibidas de persoas que, a través de diferentes organizacións, se están apuntando para botar unha man nas tarefas de restauración dos nosos montes.

É necesario ter en conta que o proceso de recuperación da superficie queimada ten diferentes fases que deben ser levadas a cabo con calma e prudencia para non provocar un impacto aínda máis negativo sobre un entorno xa moi debilitado. “Un primeiro paso será estabilizar a superficie para evitar, na medida do posible, os efectos erosivos que poidan producir as previsibles choivas do outono e inverno. Neste sentido estase a valorar as mellores medidas para tratar de desenvolvelas o longo dos próximos días en estreita colaboración con concello de Vigo, -indica o equipo técnico da Mancomunidade-, así poderase artellar actuacións definidas con obxectivos concretos, sen que esas actuacións poidan prexudicar as posteriores actuacións que se levarán a cabo para a recuperación do estado natural previo ao lume unha vez poida ser retirada a madeira queimada”.

Polo de agora xa se está a traballar nunha ordenación adecuada da superficie queimada para reducir o impacto futuro de lumes como o vivido. De aí que se lles pida as persoas que queiran colaborar connosco certa paciencia porque as accións que se tomen de modo precipitado poden ter importantes repercusións no futuro.  É importante marcar o camiño adecuado dende un primeiro momento. Debe facerse una avaliación de que facer en cada un dos montes afectados, cunha planificación técnica que permita un resultado óptimo das medidas que se tomen. “Estanse a ter contactos co Concello de Vigo para avaliar como poder artellar e coordinar a vontade de colaboración de todas estas persoas persoas sen poñer en risco a súa integridade física tendo en conta o perigo que revisten certos traballos no monte e as responsabilidades que esto supón para a Mancomunidade”, indicou Uxío González.

Accións para restaurar o terreo e o traballo perdido

Concellería de Medio Ambiente do Concello de Vigo infórmase que se procederá a modificar a programación do programa medioambiental, Camiño a Camiño, prevista para os meses de outubro e novembro debido á Catástrofe incendiaria sofrida nos Montes de Vigo.

Por tal motivo, está previsto substituír os percorridos pola Senda Panorámica de Vigo (GR-53) e as actuacións ordinarias de voluntariado de Camiño a Camiño en Sendeiros por actuacións nos montes de Vigo.

Está previsto que este luns 23 de outubro se coñezan tanto as actuacións a realizar o domingo 29 de outubro pola mañá (que substitúen á ruta prevista), como as actuacións a realizar durante os días de semana.

Darase deste xeito saída a tantas e tantas  persoas que queren sumar o seu grao de área para comenzar o longo proceso de reconstrucción da desfeita. 

Equipos técnicos do Centro de Investigación Forestal Lourizán serán os encargados de realizar o labor de análise para determinar: que tipo de actuacións son necesarias, como podería ser a drenaxe do terreo, a limpeza das canalizacións, a creación de barreiras, a colocación de mallas de geotéxtil na costa ou a cobertura do terreo con palla, entre outras.

Grazas!

CalmaDos

Estamos emocionados pola compañía,
pola comprensión, polas ganas de colaborar.
Polos vellos, nenos, mulleres e homes 
que tanto fixeron, hai unha semana, 
para evitar un desastre maior.
Emocionados pola valente actuación da xuventude.
Temos futuro e sangre nova consciente!!!
Emocionados tamén pola actuación de bombeiros, 
policías, persoal sanitario
e gardas civís que fixeron 
todo o que estivo nas súas mans. 
Polo compromiso do Concello. Seremos máis fortes.
Imos recuperar o pulmón da cidade e o paseo dos findes... 
Unha mensaxe máis: este non é so o problema de
Valadares, Coruxo, Comesaña, Matamá, e Zamáns.
É de todalas comunidades de montes unidas 
para sair desta dura situación. 
Grazas, moitas grazas!

Montes de Vigo

 

Continuar leyendo
137

 

O cartaz cos nosos colaboradores no IV Ultra Trail Montes de Vigo-2017

 

UTMVColaboradores

Agradecemos a colaboración de:

Sen eles o traballo é imposible. Grazas!! 

Continuar leyendo
216

Cartaz Ultra Trail Montes de Vigo 2017

 

 

Sábado 14 Out

Quinta proba e definitiva do circuito #GMTA tras as probas de Moaña, Galiñeiro, Courel e Padrenda, organizado por Galicia Trail Adventure por primeira vez xunto a Montes de Vigo

O reto no monte para un deportista pode ter un xiro. Non é só cuestión de altimetría, subir, subir e subir costas. O monte non é o asfalto, ofrece atallos, zonas con máis dificultade, sorpresas por sitios descoñecidos, todo está en sabelos atopar. Os Montes de Vigo, esta enorme extensión de montaña que abraza a Vigo ofrece unha gran cantidade de oportunidades para a carreira asombrada. Galicia Máxica Trail Adventure a través de José Moutinho explorou novos percorridos e o resultado é unha proba múltiple, con catro dificultades diferentes pensadas para o disfrute de corpo e natureza.

Lugar de sáida:

  • Complexo Polideportivo de Navia
  • Coordenadas saída: 42°12’50.1″N 8°45’28.1″W
  • En Google Maps: 42.213927, -8.757818

Horario de saída

  • Ultra® Trail e Trail largo 8:00 horas.
  • Trail corto e Andaina 8:30 horas

Entrega de dorsais

  • Polideportivo de Navia:
    • Venres 13 de 18:00 a 21:00 h.
    • Sábado 14 de 6:00 a 07:30 h.

Datos Técnicos

    • Ultra® Trail:        68 km    2250 D +
    • Trail largo:       37 km    1800 D +
    • Trail corto       25 km    950   D +
    • Andaina            25 km    950   D +

Avituallamentos

    • Ultra® Trail:   kms 13’7, 25’6, 33’9,  39’5, 49’5, 58  + avituallamiento final
    • Trail largo:  kms 13’7, 25’6, 30,5  + avituallamiento final
    • Trail curto:  kms 13’7, 21’5  + avituallamiento final
    • Andaina:      kms 13’7, 21’5  + avituallamiento final

Control de saída e  charla técnica

    • Ultra® Trail y Trail largo:   7:50 horas
    • Trail corto y Andaina:     8:20 horas

 

Perfiles

Perfil Trail corto-768x185

Perfil do Trail Curto e Andaina

Perfil Trail largo-768x194

Perfil do Trail longo

Perfil Ultra Trail-1-768x186

Perfil do Ultra Trail

 

 

Máis información:

O Ultra Trail Montes de Vigo

http://gmta.es/2017/index.php/5-montesdevigo/

Sistema de puntuacións

http://gmta.es/2017/index.php/puntuaciones/

Inscricións e clasificacións

http://laptime.es/ 

 

Colaboran:

logo concello-300x104   cropped-PrzGMTA Logo Rojo Vertical WEB   LogoMV2

 

Continuar leyendo
345

Convenio de Colaboración entre o Concello de Vigo e a Mancomunidade de Montes de Vigo para o coidado e mantemento dos montes que circundan a cidade, acadou os seus obxetivo a finais de agosto. Un ano máis e grazas á contratación  de persoal do Proxecto de Emprego, desenvólveuse un plan de ordenación forestal das trece comunidades de montes que integran a Mancomunidade. Durante cinco meses fixéronse traballos de prevención contra os incendios forestais e a favor duns montes en condicións para o uso e disfrute da cidade. 

 

Emprego2017-2

Continuar leyendo
941

IMG 1406-Bis

Mostrar aos vigueses todo o espectro de posibles paseos, sendeiros e combinacións que ofrecen os montes que circundan a cidade, foi o obxectivo da IV Andaina polos Montes de Vigo celebrado o domingo 28 de maio. Foron anos de preparar camiños e a súa sinalización cumprindo co desexo da cidadanía de facer das montañas que circundan a cidade un lugar de esparexemento e liberación para a vida diaria. As novidades foron este ano a pequerruta e un programa para persoas de mobilidade reducida.

A organización foi un traballo de coidada loxística trazada desde o Concello de Vigo, coa estreita colaboración en todas as instancias pola Mancomunidade de Montes. Os Montes de Vigo contan con 128 km que inclúen o Sendeiro Panorámico de Vigo, (GR-53) e oito sendeiros locais trazados ata o momento e que atravesan Saiáns, Matamá-Comesaña, Valladares, Zamáns, Bembrive-Beade, Cabral e Candeán.

IVAndainaCollage3

O evento congregou nesta ocasión a preto de 1200 persoas entre maiores, adultos, xoves e nenos, co que se converteu nun éxito de convocatoria e crítica. O tempo acompañou cun día que acrecentaba a súa frescura baixo a sombra das árbores.  O cheiro a humidade, os rumores do monte e o intercambio entre viandantes foron constantes en todos os percorridos.

A xornada comezou ás 7 da mañá esperando os buses para a xente inscrita no percorrido máis longo frente ao concello.  Os andariegos estaban dotados de camisetas, que este ano consistiu na súa versión verde patrocinadas polo Corte Inglés, quen ademais concentraron unha parte das inscricións. En distintos puntos do monte tamén, ofreceuse aos participantes avituallamientos patrocinados por Eroski-Center facendo o percorrido máis san e agradable pola nutrición e hidratación cando máis se necesita.

IV AndainaCollage1

Ademais, no Parque Forestal de Beade onde desembocaron todos os percorridos ao longo do día, esperamos a todos cunha comida que permitiu repoñer forzas. Para os nenos que fixeron a pequerruta, despregouse un circuíto de multiaventura que lles motivou a retarse a si mesmos coa través de montañas de escalada, tirolina, tiro con arco para os más maiores, así como outro específico con saltos  e actividades motrices e xogos de puntería para os máis peques.

 

Para a concelleira de Medio Ambiente e Saúde, Chus Lago, o obxectivo é que ese 17% do territorio do concello sexa recoñecido polos cidadáns como unha opción de lecer apto para fomentar formas de vida saudables e harmónicas co medio ambiente. 

IVAndainaCollage2

Percorridos da IV Andaina

Para a Mancomunidade de Montes de Vigo e as comunidades de montes a organización dos trazados significou un uso intenso de recursos e loxística. Dicímolo con satisfacción, pois demostramos como algunhas das posibles combinacións que ofrecemos poden responder a todo tipo de necesidades de dificultade e variedade.  

Tres tramos foron trazados de 20, 8,9 e 11,2 quilómetros que combinados entre eles deron lugar a 6 percorridos distintos para 6 tipos distintos de dificultade. Rutas que quedan feitas para quen desexe percorrelas:

Tramos

Tramo 1: variante da Senda panorámica de Vigo (GR-53). Vigozoo – Parque Forestal de Vixiador (Candeán) – Parque Forestal de Bandeira (Cabral) – Área Recreativa de Baladas (Cabral) – IFEVI – Parque Forestal de Cotogrande (Cabral) – Gorxal – Rotonda do Rebullón – Área Recreativa do Pouso (Bembrive)
Distancia: 20 quilómetros. Duración: 4 horas 45 minutos (estimación media). Conecta co tramo 2.
Convocatoria na Praza do Rei: 7:00. Inicio estimado: 8:15 en Vigozoo

Tramo 2: variante do Sendeiro local de Bembrive-Beade. Área Recreativa do Pouso (Bembrive) – Aldea da Fraga (Bembrive) – Fonte de Friales (Beade) – Alto de Quintiáns (Beade) – Parque Forestal de Beade
Distancia: 8,9 quilómetros. Duración: 2 horas (estimación media). Conecta co tramo 3.
Convocatoria na Praza do Rei: 8:30. Inicio estimado: 9:30 en Área Recreativa do Pouso

Tramo 3: percorrido circular ao redor do CUVI. Parque Forestal de Beade – Montes de Sobreira (Valladares) – Parque infantil de Zamáns (debaixo da rotonda do Cuvi) – Montes de Zamáns – Lagoas CUVI – Parque Forestal de Beade
Distancia: 11,2 quilómetros. Duración: 3 horas (estimación media).
Convocatoria na Praza do Rei: 10:00. Convocatoria no Parque Forestal de Beade: 10:30. Inicio estimado: 11:30 en Parque Forestal de Beade

 IVANdainaMapa

Percorridos

Percorrido 1. Andaina completa (40,1 quilómetros, 9 horas 30 minutos): Tramo 1 + Tramo 2 + Tramo 3.
Recomendación: para sendeiristas de longa travesía e deportistas de fondo. Dificultade: moi alta. Observación: prosigue despois da hora do xantar.

Percorrido 2. Andaina media 1 (28,9 quilómetros, 6 horas 45 minutos): Tramo 1 + Tramo 2
Recomendación: para sendeiristas de travesía e deportistas de fondo. Dificultade: alta. Observación: remátase na hora do xantar.

Percorrido 3. Andaina media 2 (20,1 quilómetros, 5 horas 30 minutos): Tramo 2 + Tramo 3
Recomendación: para sendeiristas e deportistas en xeral. Dificultade: media. Observación: remátase na hora do xantar.

Percorrido 4. Andaina curta (11,2 quilómetros, 3 horas): Tramo 3
Recomendación: para todos os públicos, particularmente familias con menores. Dificultade: baixa. Observación: remátase na hora do xantar.

Pequerruta, (1,2 quilómetros, 1 horas 30 minutos).

Ruta adaptada, (3 sillas adaptadas y sus porteadores).

 

Máis:

http://caminoacaminovigo.blogspot.com.es/2017/05/iv-andaina2017fotos.html

http://montesdevigo.blogspot.com.es/2017/05/ivandaina2017.html

http://andainamontesvigo.blogspot.com.es/

 

 

Por Euri Castillo (@EudelCastillo)

 

Continuar leyendo
665

ListadoPranEmprego2017

Listado definitivo de contratados e suplentes para o Pran de Emprego 2017, grazas ao convenio entre a Mancomunidade De Montes de Vigo e o Concello de Vigo. Para ver o listado, premer aquí.

Continuar leyendo
3467

0001

 

 

Convocatoria de subvencións para o Fomento do Emprego de entidades sin ánimo de lucro no 2017 - Concello de Vigo

 

3 peóns 

Prazo de remate de recepción luns 3 de abril de 2017

A convocatoria enmárcase no Convenio de Colaboración entre o Concello de Vigo e a Mancomunidade de Montes de Vigo para o coidado e mantemento dos montes que circundan a cidade.  O plan desenvólvese durante cinco meses e forma parte do pran de ordenamento do monte e tamén, da prevención contra os incendios forestais. A Mancomunide, neste contexto demanda:

 

    • 2 peóns, contrato mínimo 5 meses, 30 horas semanais.
    • 1 peón, contrato mínomo 5 meses, 20 horas semanais.

 

  • Envío do curriculum: Este enderezo de correo está a ser protexido dos robots de correo lixo. Precisa activar o JavaScript para velo.

  • Ou en Rúa Eira Vella no 4 Saiáns, 36392 Vigo de 16 a 19, 30h.
Continuar leyendo
3254

 

 

Anexo VII Oferta Capataz

 

Convocatoria de subvencións para o Fomento do


Emprego de entidades sin ánimo de lucro no 2017 - Concello de Vigo

 

Praza de Capataz Forestal

Prazo de remate de recepción 27 de marzo de 2017

 

A convocatoria enmárcase no Convenio de Colaboración entre o Concello de Vigo e a Mancomunidade de Montes de Vigo para o coidado e mantemento dos montes que circundan a cidade.  O plan desenvólvese durante cinco meses e forma parte do pran de ordenamento do monte e tamén, da prevención contra os incendios forestais. A Mancomunide, neste contexto demanda:

    • 1 capataz forestal (tempo completo)

    • Contrato mínimo 5 meses
  • Ou en Rúa Eira Vella no 4 Saiáns, 36392 Vigo de 16 a 19, 30h.

 

 

 

envío do curriculum: Este enderezo de correo está a ser protexido dos robots de correo lixo. Precisa activar o JavaScript para velo.

Continuar leyendo
820

Convocatoria Pran de Emprego 2017 Concello de Vigo

 

Convocatoria de subvencións para o Fomento do
Emprego de entidades sin ánimo de lucro no 2017 - Concello de Vigo

A convocatoria enmárcase no Convenio de Colaboración entre o Concello de Vigo e a Mancomunidade de Montes de Vigo para o coidado e mantemento dos montes que circundan a cidade.  O plan desenvólvese durante cinco meses e forma parte do pran de ordenamento do monte e tamén, da prevención contra os incendios forestais.

A Mancomunide, neste contexto demanda os seguintes postos:

  • 1 capataz forestal (tempo completo)
  • 15 peóns forestais (30 horas)
  • 12 peons forestais (20 horas)

 

Requisitos xerais:

  • Empadroado en Vigo antes do 01/01/2016
  • Inscrita como demandante de emprego no SPEG.
  • Posuir o perfil para o posto solicitado

Outros Requisitos:

  • Prazo de remate de recepción de curriculum vitae : 01 de Marzo de 2017
  • Enderezo de envío do curriculum: Este enderezo de correo está a ser protexido dos robots de correo lixo. Precisa activar o JavaScript para velo.
  • e/ou Rúa Eira Vella, Nº 4, Saiáns 36392 Vigo
  • Horario de 16 a 19.30h
Continuar leyendo
1026

A Mancomunidade de Montes de Vigo organizou o 18 de novembro as III Xornadas Froitos do noso monte, que xunto coas castañas e a oliva que retorna con bríos a terras de Candeán, forman parte da nosa produción. A xornada tivo tres partes: unha charla sobre a oliva en Galiza, outra para axudar a entender os cogomelos e finalmente a degustación preparada polos especialistas da Asociación Micolóxica A Zarrota.

O evento levouse a cabo no edificio da Asociación Veciñal, Cultural e Deportiva Nautilus de Comesaña e contou coa asistencia de uns 50 comuneiros e público en xeral interesados na formación.

14877879 1165187800184587 63027080 n.jpg

Esta actividade enmárcouse no obxectivo de aproveitamento sustentable dos recursos que nos ofrecen os nosos montes. A charla denominada "O Mundo dos Cogomelos" impartiuna Manuel Domínguez, licenciado en bioloxía e educador ambiental que traballa na empresa Babadiva Ambiental. José Galán, de Aceites José Galán, disertou sobre “As plantación de oliveira en Galicia”.

Continuar leyendo
1029

Froitos 2

 

 

Cando chega o outono, chegan con forza os froitos do bosque. Entre eles están os cogomelos que teñen os seus misterios e necesitan ser descubertos e coñecidos en profundidade antes de acercarse a eles: os hai que se comen e outros non. Por eso desde Montes de Vigo invitamos a coñecelos e a descubrir tamén o mundo da oliva que se expande en Galicia e tamén na Comunidade de Montes de Candeán.

Montes de Vigo invita o próximo venres, 18 de novembro entre as 19.00 e 21.00h no Edificio da Asociación Veciñal, Cultural e Deportiva Nautilus, en Comesaña a aprender sobre estes froitos. Os que se achequen teñen premio ao final da xornada: Degustación de cogomelos e castañas asadas!

 

Inscricións no enderezo: Área Social do Monte

Programa do evento:

 

19.00h  Apertura e presentación

19.10h  As plantacións de oliveira en Galicia José Galán

            A historia da olivera en Galicia

            A olivicultura moderna na nosa comunidade

            Realizacións de plantacións de oliveira en Galicia

            Coidados básicos e rendibilidade da oliveira

19.50h  O Mundo dos cogomelos | Manuel Domínguez Rey

            Nutrición, crecemento e reprodución

            Partes e crecemento dun cogomelo

            Consellos de recolección e comportamento

            Lexislación

            Clasificación

20.30h Degustación de cogomelos e de castañas asadas. | Ag Micolóxica a  Zarrota

Continuar leyendo
3209

Xa falta menos para a proba definitiva da Copa Galega de Carreiras por Montaña da FGM: o III Trail Montes de Vigo. A proba levarase a cabo o 30 de outubro en tres categorías distintas: Trail, Mini Trail e Trail Popular.

Esta proba é a última do ano da Copa Galega de Montaña e nela entregaránse os trofeos aos tres primeiros de cada categoría.  As anteriores probas foron as de Viveiro, Mondoñedo, Maceda, Moaña, Chandrexa de Queixa, Cuntis, e Parada do Sil. Ao non celebrarse a de Mondariz o III Trail Montes de Vigo é a proba definitiva para a clasificación do ano na nosa comunidade.

III Trail-DEFINITIVO-3

Nesta proba poderán participar as persoas que o desexen maiores de 18 anos. As inscricións están abertas  ata o 26 de outubro na páxina específica do Clube Xistra de Montaña, organizador junto con Montes de Vigo do evento.


 Contará con tres categorías que empezan e acaban en Fragoselo, pero con tres rutas distintas:

Trail de 35 quilometros e 2.100 metros de desnivel

Hora de comezo: 9:00
Lugar: Fragoselo – Vigo
Distancia: 35 km, 2100 desnivel positivo acumulado

Trail30-10

Mini Trail cun percorrido de 19 quilometros e 1.200 metros de desnivel

Hora de comezo: 9:00
Lugar: Fragoselo – Vigo
Distancia: 19 km, 1200 desnivel positivo acumulado

MIniTrail

Trail popular de 10 quilometros e 600 metros de desnivel

Hora de comezo: 9:30
Lugar: Fragoselo – Vigo
Distancia: 10 km, 600 desnivel positivo acumulado

POpular

O número de participantes está limitado a 450 corredores/as e a inscrición da dereito, ademáis da participación no evento, a seguros de RC e Asistencia Sanitaria, avituallamentos de carreira e regalos varios.

A proba non sería posible sen a colaboración de institucións que prestan o seu apoio para conseguir un evento en condicións óptimas para os participantes. No III Trail participan:

  • Concello de Vigo
  • Xunta de Galicia - Deporte Galego
  • Federación Galega de Montaña
  • Decathlon Vigo
  • Coca Cola
  • Massini
  • Master Cadena-Hermida
  • Frutas Nieves
  • Inquedanzas Sonoras
  • Aceite Abril
  • Federación Galega de Montañismo
  • Coruxo F.C.

Para rexistrarse, as persoas interesada poden facelo páxina do Clube Xistra e consultar o seu regulamento.

Continuar leyendo
1108

Sen os Montes de Vigo non se pode entender a cidade de Vigo. Definen a outra metade do seu horizonte, xunto ao mar. A súa vocación é a de ofrecer á cidade toda unha gama de posibilidades de recreación, san deporte e entretemento. Ese conxunto forma parte do seu uso social diverso en cada unha das súas 13 comunidades de montes. Cada unha coas súas paisaxes particulares, que ofrecen diversión natural e cultural de gran diversidade aos que se achegan a visitalos.

Como parte desta realidade organizouse todo un conxunto de actividades baixo o nome de Área de Uso Social do Montes e nesta recta final do ano a programación de Outono 2016 comprende xa un bo número de diversas opcións de lecer.

 

1. Paseos guiados polos montes de Vigo, con magosto ao finalizar

2. Visitas a lugares con encante nos Montes de Vigo


Inscrición nas actividades: premer aqui

Máis información no tfno: 608 84 89 89

 

1. PASEOS GUIADOS POLOS MONTES DE VIGO, con magosto ao finalizar

Aberto a todos os públicos. Ao longo do paseo abordaranse contidos relacionados coa historia, patrimonio e entorno ambiental dos montes transitados.
Achega de participación: 2 euros, a abonar no momento de inicio da actividade. 1 euro para membros do Club de amigos/as dos montes de Vigo.
Inscrición: premer aqui
 
 
Paseo polos montes de Oia e Saiáns
Sábado, 22 outubro, 17:00-20:00. 
Punto de inicio: Parque forestal de Saiáns
Magosto ao remate.
 
Paseo polos montes de Beade e Bembrive
Sábado, 29 outubro, 17:00-20:00. 
Punto de inicio: Parque forestal de Beade
Magosto ao remate.
 
Paseo polos montes de Cabral e Candeán
Sábado, 5 novembro, 17:00-20:00. 
Punto de inicio: Parque forestal de Vixiador
Magosto ao remate.
 
Paseo polos montes de Zamáns
Sábado, 12 novembro, 17:00-20:00. 
Punto de inicio: Parque forestal de Zamáns
Magosto ao remate.
 
2. VISITAS A LUGARES CON ENCANTO NOS MONTES DE VIGO
Aberto a todos os públicos. Ao longo do paseo abordaranse contidos específicos relacionados co lugar visitado. Na medida do posible avanzarase información a través deste blog en relación coa temática abordada.
 
Achega de participación: 2 euros, a abonar no momento de inicio da actividade. Gratuíto para membros do Club de amigos/as dos montes de Vigo.
Inscrición: premer aqui
 
Visita ao Parque botánico do Arco da Vella (Bembrive)
Mércores, 12 outubro, 10:30-13:30. 
Punto de inicio: Capela de San Cibrao ou dos Ramallos
 
 
Percorrido polo Camiño Real entre Valladares e Comesaña
Martes, 1 novembro, 10:30-13:30. 
Punto de inicio: Sanatorio do Alba
Continuar leyendo
1793

Foron 85 os pioneiros, inscritos cos seus nomes e apelidos, os chamados a empezar a traxectoria da Marcha Ciclista polos Montes de Vigo, celebrada nun fermoso domingo de sol por sendeiros de Candeán, Cabral e Teis. A convocatoria foi un pouco rápida, pero os asistentes reflectiron con entusiasmo que a semente quedou ben asentada.
A marcha ciclista, convocada para as 11 da mañá, saíu finalmente ás 11.20 tras a recollida de dorsais. O Concello de Vigo apoiou coa presenza do Concelleiro de Tráfico Sr. Carlos López Font e o Concelleiro de Fomento, Limpeza e Contratación,  David Regades Fernández, e este último foi quen de acompañar en bicicleta de montaña. Damos as grazas aos colaboradores: Supermercados Froiz, Aguas de Mondariz, Marka Informática e 2.0 club BTT que demostran con cada actividade e cada ano a súa fidelidade e compromiso coa causa da bicicleta e os Montes de Vigo. Grazas tamén á xunta directiva, os socios e a Alejandro, de Bicicleando.  
Houbo no ambiente e o espírito dos asistentes a vocación de manter esta actividade no tempo. O ánimo estupendo nun día cheo de sol para gozar coa natureza deixárono claro: hai ganas de continuar e entender que os nosos montes están acondicionados para o seu goce con seguridade e comodidade e son aptos para o desprazamento recreativo. Tamén con bicicleta, resaltando isto último na semana da mobilidade.
O percorrido deste domingo foi: Área forestal Vixiador-Candeán - Baixada a área forestal Bandeira-Cabral -Subida a monte Vixiador por rúa Carballal - Paso intermedio por área foresta Vixiador - Baixada a área forestal Teis - Madroa por Camiño dá Devesa e zona deportiva da Madroa - Parada non miradoiro dá Madroa - Volta a Vixiador con paso pola estrada ao cemiterio de Candeán e camiño dá Devesa - finalización de ruta na área forestal Vixiador - Candeán.
Paradas intermedias: 1. Área forestal de Cabral, 2. Área forestal de Vixiador 3. Área forestal-miradoiro dá Madroa - Teis. Distancia total: 12 km.
Veciños de todas as idades avituallaron no miradoiro do zoo e chegaron sobre as 13:15 horas.
Uxío González, presidente da Mancomunidade de Montes de Vigo e José Manuel Suárez, presidente da asociación A Golpe de Pedal Vigo mostráronse satisfeitos da I Marcha Ciclista polos Montes de Vigo e convencidos do nacemento dun novo costume nos Montes de Vigo.

Reseña do Atlántico Diario: Un centenar de ciclistas por los Montes de Vigo

Continuar leyendo
1969

Hai moitas formas de gozar do monte: andando a pe, de picnic, estudándoo,  meditando, fotografándoo, por exemplo, e en Vigo tamén,  nas moitas actividades que se están preparando como parte da súa programación de Outono para favorecer a Área de Uso Social do Monte. Este domingo 2 de outubro haberá un fito importante dentro deste conxunto de actividades: por primeira vez celébrase a Marcha Ciclista polos Montes de Vigo.

A actividade é organizada por Montes de Vigo e pola asociación A Golpe de Pedal Vigo.  O obxectivo é facer consciente aos cidadáns de todo o potencial de saúde, entretemento e paseo que teñen as 13 comunidades de montes e, por outra banda, a forma de facelo a través dun medio que diversifica a mobilidade de forma sustentable como é a bicicleta.

José Manuel , da AGDPVigo e Uxío, de Montes, informaron que este evento é popular,  dirixido a toda a familia. Non ten interese deportivo ou de competición e enmárcase nas políticas activas de promoción deste medio que desenvolve la AGDPVigo como a recollida de bicis para a súa redistribución, o impulso de mocións a favor doutra mobilidade ou a “Pedaliña” que se celebra en plena cidade.

A actividade require primeiro unha inscrición en dous posibles formularios:

Inscrición na Área de Uso Social do Monte, ou en AGDPVigo

O día domingo 2 de outubro, rógase chegar cedo pois haberá recollida de dorsais antes da carreira, no Monte Vixiador e comeza puntual.  A actividade prolongarase de forma relaxada ata as 13.00h por traxectos das comunidades de montes de Candeán, Teis y Cabral para unha mañá de lecer dos nosos montes. Se a xornada ten acollida, a idea e repetila cada ano.

Continuar leyendo
3555

En todalas comunidades de Montes de Vigo se acondicionaron zonas despexadas, faixas de pista para tránsito, cortalumes e recuperación de bosque autóctono entre outros.

Unha superficie dunhas 160 hectáreas beneficianse este ano do traballo de roza manual selectiva, poda, rareo e control de especies invasoras na Mancomunidade de Montes de Vigo grazas aos traballos levados a cabo coa axuda do Plan de Emprego 2016 do Concello de Vigo.

Trinta e unha persoas, un capataz e trinta peóns forestais, traballaron nos Montes de Vigo dende maio ata setembro.  Dos resultados informan Uxío González, Presidente da Mancomunidade de Montes de Vigo e Carme Boente,  responsable técnico do programa pola Asociación Forestal de Galicia, AFG, considerándoo satisfactorio.

O obxectivo prioritario era reducir os riscos de lume, pero tamén intervir o monte para manter unha estrutura arbórea equilibrada, despexar as contornas das rotas de sendeirismo e dos bens de interese histórico; tamén se buscou potenciar o bosque atlántico e eliminar as especies invasoras  así como manter despexados os accesos rodados aos montes.

O plan, revela o informe, “permite complementar os distintos traballos que de por sí levan a cabo as comunidades propietarias (e a Entidade Local Menor), permitíndolles abarcar máis superficie de traballo e prestar maior atención a obxectivos menos tanxibles”.  Uxío González, de Montes, explica que o traballo distribuiuse equitativamente entre as distintas comunidades de forma proporcional en función da súa superficie. “Cada comunidade decide onde hai que actuar, e os criterios técnicos son aportados ao persoal contratado por parte dos responsables da AFG”.

Traballos realizados

De acordo cun informe elaborado pola Asociación Forestal de Galicia, o traballo centrouse en catro intervencións específicas:

A roza manual selectiva fíxose para actuar sobre a vexetación arbustiva que xeralmente arde e propaga o lume con moita facilidade. Estas rozas selectivas realízanse para facilitar zonas de apoio a unha posible extinción de incendios.

Coas podas búscase airear o bosque para evitar a proliferación de fungos, á vez que se dificulta o acceso do lume dende o chan ata as copas, onde este se propaga cunha voracidade que dificulta enormemente a súa extinción e obliga a facelo por vía aérea.

Cos rareos redúcese a carga do monte e extráense aqueles pés peor conformados, enfermos, danados, mortos, asoballados. Destaca o informe que os restos extraídos son usados como combustible de biomasa. 

Finalmente un traballo fundamental e é o control da especie invasora acacia melanoxylon (acaia negra ou australia), cunha enorme capacidade de reproducción e que impide que medren as especies autóctonas coma as frondosas.

Carme Boente, como especialista da AFG, explicou que é a existencia de cuberta vexetal, en xeral, e arbórea, en particular, é importante para frear os procesos erosivos xa que permite alimentar coa auga da chuvia os manantiais das distintas comunidades. Tamén, di Boente, as “beiras de pista libres de maleza forman as denominadas faixas auxiliares que, xunto coa propia pista, constitúen unha zona de seguridade para os medios de extinción, permitíndolles desprazarse e realizar ataques directos contra o lume con certa garantía”.

En relación ao uso social do monte destaca o informe, “cómpre manter rozadas as marxes dos sendeiros para permitir o paso das persoas e a visualización de sinais informativas. Así mesmo cómpre manter limpas de maleza a contorna dos elementos do patrimonio histórico que se atopan en bo número nestes montes, para permitir o disfrute a todo aquel que se queira achegar”.

Para Uxío González, tras cinco anos de bos resultados no desenvolvemento e protección dos montes da cidade, é fundamental manter os Plans de Emprego do Concello de Vigo que veñen a completar co seu traballo a importancia da poboación do monte para manter o seu entorno vexetal.

 

O resultado do traballo foi recollido pola Voz de Galicia, na súa edición de Vigo, nun traballo de Irene Jiménez Toledo.

Los Comuneros tocan Madera

 

 

Continuar leyendo
1316

O resumo do Plan Forestal de Galicia, DOG Nº 119 xoves, 23 de xuño de 2016, está publicado na páxina da Consellería de Medio Rural

 

Igualmente o texto completo do Plan pódese atopar na RESOLUCIÓN de 10 de junio de 2016, de la Dirección General de Ordenación y Producción Forestal, por la que se hace público el Acuerdo del Consello de la Xunta de Galicia de 9 de junio de 2016 de inicio del procedimiento de la elaboración de la primera revisión del Plan forestal de Galicia.

 

Continuar leyendo
Etiquetado en: 2016 DOG Plan Forestal
Powered by EasyBlog for Joomla!