En Setembro bota a andar a Aula Micolóxica no Parque Forestal de Beade

A Mancomunidade de Montes de Vigo en colaboración coa Comunidade de Montes de Beade ten previsto botar a andar a Aula de Micoloxía no Parque Forestal de Beade a partir do mes de setembro de 2024. Esta actividade está aberta á cidadanía viguesa interesada en introducirse no mundo da micoloxía e forma parte do programa de dinamización dos coutos micolóxicos periurbanos de Vigo.

As persoas interesadas en preinscribirse na Aula de Micoloxía de Beade poden inscribirse no seguinte ENLACE, o cal permitirá enviar a programación en canto se acabe de deseñar.