Programa experiencial de formación e emprego 2026: convocatoria pública para alumnado-traballador
1. INTRODUCIÓN
A Mancomunidade de Montes de Vigo (en diante, Montes de Vigo) asinou un Convenio coa Consellería de Emprego para a execución do Programa experiencia de formación e emprego denominado "Traballos forestais os montes periurbanos de Vigo" a celebrar durante o período maio 2026 e febreiro 2027.
En virtude ao establecido no citado convenio procede a convocatoria pública para a selección do alumnado-traballador a contratar sobre as Bases reguladoras que se atopan no seguinte ENLACE.
2. CONVOCATORIA PÚBLICA PARA ALUMNADO-TRABALLADOR
Selección de 15 alumnos/as-traballadores, que se realizará a través do procedemento de Convocatoria pública que xestiona a Mancomunidade de Montes de Vigo.
a) SOLICITUDES DE CANDIDATURA: ATA 13 DE MAIO, AS 20:00
Segundo as Bases Reguladoras do proceso de selección as persoas interesadas han de cumprir cos requisitos establecidos na base cuarta e presentar a solicitude de candidatura no correo electrónico obradoiro.montesdevigo@gmail.com ata o mércores 13 de maio, as 20:00 horas.
De cara a axilizar o proceso de presentación da SOLICITUDE PARA SER ADMITIDO AO PROCESO DE SELECCIÓN DE ALUMNADO-TRABALLADOR , as persoas candidatas terán que remitir ao correo citado a SOLICITUDE (ver DOCUMENTO en PDF e DOC) e achegar os documentos que se citan de seguido:
- Copia do DNI actualizado (polas dúas caras).
- Copia da xustificación documental que acredita os requisitos mínimos: tarxeta de demandante de emprego
- Copia da xustificación documental dos mérittos: certificado de profesionalidade de peón forestal ou certificado profesional da mesma familia profesional
- Vida laboral actualizada e completa
b) DATA DE SELECCIÓN: 14 DE MAIO, AS 9:00
Aquelas persoas que fixeran a solicitude e cumpran cos requerimentos establecidos nas bases presentaranse ao proceso de selección o xoves 14 de maio de 2026, ás 9:00 horas (non se admitirán solicitudes a partir das 9:30 horas), tendo lugar no local da Mancomunidade de Montes de Vigo (ver GOOGLE MAPS) no Centro Veciñal e Cultural de Valladares - Rúa Estrada Xeral de Valladares - Pedregal nº 6 - 36314 Valladares-Vigo (a carón da Piscina Municipal de Valladares).
No inicio do proceso de selección o citado día, as persoas solicitantes que cumpran os requisistos serán chamadas para a entrega do documento orixinal do formulario de solicitude e a presentación da documentación necesaria para acreditar os requisitos, sendo motivo de exclusión a falta de dita documentación.
Para resolver e atender calquera dúbida, o día da presentación de solicitudes e recollida de documentación estará presente, polo menos, un integrante do órgano de selección que se nomee para este procedemento.
Ao finalizar o proceso de entrega de documentación, publicarase a Lista de presoas candidatas que pasan á Fase 1 Proba práctica.
Ao longo do día 14 de maio está previsto que se realicen a Proba práctica e, entre os que logren superar a puntuación de corte, a Entrevista persoal. Con a puntuación destas dúas fases máis a Valoración de méritos, elaborarase a Lista de persoas candidatas admitidas e excluidas para participar no Programa experiencial de formación e emprego.