Sesión de traballo sobre os coutos micolóxicos nos montes de Vigo
Este mércores 24 de abril tivo lugar a primeira sesión de traballo de preparación dos coutos micolóxicos que están previsto crear nas comunidades de montes de Beade e de Matamá dentro do proxecto "Montes de Vigo 2046".
![](https://cdn.prod.website-files.com/65edc609e19fb241d0c6b056/662a050fb5e712dba0a6c267_2024-04-24%20Sesi%C3%B3n%20Coutos%20Beade.jpg)
Participaron comuneiros e comuneiras de ambas comunidades para coñecer de preto en que consiste un couto micolóxico e como se pode implantar.
A sesión estivo dinamizada por Mycogalicia Plantae, asesora desta iniciativa, e abordáronse aspectos normativos, organizativos, de dinamización e de cultivo e aproveitamento. Tamén houbo ocasión de coñecer coutos micolóxicos que están funcionando en Galicia e que serven de referente.
![](https://cdn.prod.website-files.com/65edc609e19fb241d0c6b056/662ce941367b917c63770d7a_2024-04-26%20Visita%20Couto%20Beade.jpg)
Esta actividade forma parte da Acción 3 do proxecto “Valorización e xestión sostibles dos servizos ecosistémicos mancomunados dos montes periurbanos de Vigo” e conta co apoio da Fundación Biodiversidad del Ministerio para la Transición Ecológica y el Reto Demográfico (MITECO) no marco do Plan de Recuperación, Transformación e Resilencia (PRTR), financiado pola Unión Europea - NextGenerationEU