O CEIP San Salvador de Teis realiza a súa festa de fin de curso no Parque Forestal de Beade

Moitos centros educativos de Vigo realizan as súas actividades de fin de curso nos montes de Vigo pondo en valor os parques forestais e os distintos atractivos existentes neles. No caso do CEIP San Salvador de Teis optaron por realizar actividades organizadas pola Mancomunidade de Montes de Vigo na que ademáis de gozar de un magnífico día, permitiu coñecer a flora e a fauna que reside nos montes de Vigo, así como servizos ecosistémicos como o couto micolóxico de Beade ou o miradoiro que coroa a cidade.

En total 88  nenos e nenas, 42 de infantil e 46 de primaria, fixeron un roteiro polo sendeiro local ata as pseudosugas, un rastrexo e múltiples actividades de coñecemento do medio.