O Clube de viaxeiras dos Centros Sociocomunitarios de Vigo visita os montes de Vigo

‍

Dentro das visitas aos distintos recursos recreativos da cidade de Vigo, as 19 participantes na actividades seleccionaron á Comunidade de Montes de Beade para coñecer a oferta que realiza para a cidadanía de Vigo. Na presentación realizada deuse a coñecer o anel verde que rodea a Vigo como conxunto de 17 Parques Forestais nas parroquias de Vigo con miradoiros, sendeiros, espazos educativos, etc.

Na visita as participantes achegáronse ao miradoiro, circularon polo sendeiro local, experimentaron un "baño de bosque" e finalmente comeron no restaurante do Parque Forestal. Ante a gratificante experiencia viuse a oportunidade de repetir a experiencia no outono noutros dos parques descritos.

Esta actividade forma parte do proxecto “Valorización e xestión sostibles dos servizos ecosistémicos mancomunados dos montes periurbanos de Vigo” e conta co apoio da Fundación Biodiversidad del Ministerio para la Transición Ecológica y el Reto Demográfico (MITECO) no marco do Plan de Recuperación, Transformación e Resilencia (PRTR), financiado pola Unión Europea - NextGenerationEU

‍