Na Xornada de Conclusión de Montes de Vigo 2046 proponse "Un Pacto social polos montes de Vigo"

‍XORNADA DE CLAUSURA

A Mancomunidade de Montes de Vigo en colaboración coa Universidade de Vigo presenta á sociedade viguesa e aos axentes implicados na xestión e dinamización do monte veciñal en man común de Vigo e Galicia as conclusións do proxecto “Montesde Vigo 2046: montes veciñais en valor”.A Xornada de Clausura tivo lugar o 10 de decembro co seguinte programa (VER):

Na primeira parte participaron os equipos de investigación de Bioloxía Ambiental e de Economía Aplicada (Grupo GEN), que abordaran as conclusións da identificación e valorización dos servizos ecosistémicos estudados nos montes de Vigo: servizos recreativos e culturais, a calidade e cantidade de auga e a absorción de CO2.

Na segunda parte participaron os responsables da formulación da estratexia de posta en valor dos citados servizos ecosistémicos nos montes periurbanos de Vigo. Os técnicos de Selga e de MycoGalicia Plantae formularán as liñas de actuación dirixidas á sustentabilidade deste patrimonio natural nun entorno urbano.

Rematouse a sesión co resumo das principais conclusións do proxecto "Montes de Vigo 2046: montes veciñais en valor" e a invitación á colaboración da sociedade viguesa no mesmo.

‍

DOCUMENTOS E VIDEOS

Resumo das ponencias e enlaces aos documentos técnicos: AQUI

Videos das ponencias elaborados por UVigo-TV: PROXIMAMENTE

‍

O proxecto “Valorización e xestión sostibles dos servizos ecosistémicos mancomunados dos montes periurbanos de Vigo” executouse entre 2024 e 2025 e conta co apoio da Fundación Biodiversidade del Ministerio para la Transición Ecológica y el Reto Demográfico (MITECO) no marco do Plan de Recuperación e Transformación e Resiliencia. (PRTR), financiado pola Unión Europea - NextGenerationEU.