Xornada de Teambuilding con Votorantim Cimentos nos montes de Saiáns
20 traballadores de Votorantim Cimentos da sede en Vigo participaron nunha xornada de sensibilización e erradicación de acacia negra en colaboración con Montes de Vigo.
Ao longo da mañán houbo ocasión de coñecer as comunidades de montes de Vigo, os servizos ecosistémicos que proporcional e o proceso de transformación paulatina destes montes periurbanos sobre a base da experiencia da Comunidade de Montes de Saiáns.
Particularmente deuse a coñecer a loita contra a acacia negra, que supón un gran esforzo en controlar una especie exótica invasora que só a base de constante traballo e substitución por especies frondosas é posible eliminala. Neste senso, houbo unha experiencia de erradicación de rebrotes na que se comprobou a estratexia reticular de expansión que fai tan dificil atacala.
Ao final da mañá houbo un momento para gozar do Parque Forestal de Saiáns e tomarse un refrixerio.
Esta actividade forma parte do proxecto “Valorización e xestión sostibles dos servizos ecosistémicos mancomunados dos montes periurbanos de Vigo” e conta co apoio da Fundación Biodiversidad del Ministerio para la Transición Ecológica y el Reto Demográfico (MITECO) no marco do Plan de Recuperación, Transformación e Resilencia (PRTR), financiado pola Unión Europea - NextGenerationE
